ସାଙ୍ଗ ହୋଇ ବିଷ ପିଇଲେ ବୃଦ୍ଧ ଦମ୍ପତି, ସ୍ତ୍ରୀ ମୃତ, ସ୍ୱାମୀ ଗୁରୁତର
ସାଙ୍ଗ ହୋଇ ବିଷ ପିଇଲେ ବୃଦ୍ଧ ଦମ୍ପତି, ସ୍ତ୍ରୀ ମୃତ, ସ୍ୱାମୀ ଗୁରୁତର
admin
5386
ଯଶିପୁର: ମୟୂରଭଞ୍ଜ ଜିଲ୍ଲା ଯଶିପୁର ଥାନା ତଥା ରରୁଅାଁ ବ୍ଲକ ଭଞ୍ଜକିଆ ବଜାରରୁ ୩ କିମି ଦୂର ବିଶିଦା ଗ୍ରାମର ଘଟିଯାଇଛି ଏକ ଅଭାବନୀୟ ଘଟଣା । ପୁଅ ବୋହୂଙ୍କ ନିର୍ଯାତନା ଅସହ୍ୟ ହେବାରୁ ଏକ ବୃଦ୍ଧ ଦମ୍ପତି ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି । ଉଭୟଙ୍କୁ ଗୁରୁତର ଅବସ୍ଥାରେ କରଞ୍ଜିଆ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ବୃଦ୍ଧା ପତ୍ନୀଙ୍କ ମୃତୁ୍ୟ ଘଟିଥିବା ବେଳେ ବୃଦ୍ଧ ସ୍ୱାମୀ ମୃତୁ୍ୟ ସହ ସଂଗ୍ରାମ କରିଛନ୍ତି । ସୂଚନା ଅନୁଯାୟୀ ବିଶିଦା ଗ୍ରାମର ୮୦ ବର୍ଷୀୟ ଅଙ୍କୁର ବେହେରା ଓ ପତ୍ନୀ ଭାନୁମତୀ ମଧ୍ୟାହ୍ନରେ ଘରେ କେହି ନଥିବା ବେଳେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ବିଲ କାମକୁ ଯାଇଥିବା ବୋହୂ ଘରକୁ ଫେରି ଦେଖିବା ବେଳକୁ ଶାଶୂ, ଶ୍ୱଶୁର ବିଷଜ୍ୱାଳାରେ ତଳେ ପଡ଼ି ଛଟପଟ ହେଉଛନ୍ତି । ସେ ସଙ୍ଗେ ସଙ୍ଗେ ବିଲରେ କାମ କରୁଥିବା ସ୍ୱାମୀ ରାଜୀବଙ୍କୁ ଡାକିଥିଲେ । ପୁଅ ବୋହୂ ଓ ଗ୍ରାମବାସୀ ମିଶି ବୃଦ୍ଧି ଦମ୍ପତିଙ୍କୁ ଏକ ଅଟୋରେ ପ୍ରଥମେ ଭଞ୍ଜକିଆ ଡାକ୍ତରଖାନାରେ ପହଞ୍ଚାଇଥିଲେ । ସେଠାରୁ ଆମ୍ବୁଲାନ୍ସ ଯୋଗେ ଉଭୟଙ୍କୁ ଯଶିପୁର ଡାକ୍ତରଖାନା ଓ ପରେ ପରେ କରଞ୍ଜିଆ ଉପଖଣ୍ଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରେ ପହଞ୍ଚିବାର ଅଳ୍ପ ସମୟ ଭିତରେ ଭାନୁମତୀଙ୍କ ମୃତୁ୍ୟ ଘଟିଥିଲା । ଅଙ୍କୁରଙ୍କ ସ୍ଥିତି ସଙ୍କଟାପନ୍ନ ଅଛି । ଖବର ପାଇ ପୁଲିସ ଘଟଣାରତଦନ୍ତ କରୁଛି ।
