ସରପଞ୍ଚ ପ୍ରାର୍ଥୀ ୨ ଲକ୍ଷ, ଜିଲ୍ଲା ପରିଷଦ ପ୍ରାର୍ଥୀ ୫ ଲକ୍ଷ ଖର୍ଚ୍ଚ କରିପାରିବେ
ସରପଞ୍ଚ ପ୍ରାର୍ଥୀ ୨ ଲକ୍ଷ, ଜିଲ୍ଲା ପରିଷଦ ପ୍ରାର୍ଥୀ ୫ ଲକ୍ଷ ଖର୍ଚ୍ଚ କରିପାରିବେ
admin
2663
ଭୁବନେଶ୍ୱର: ରାଜନୈତିକ ଦଳଗୁଡ଼ିକର ଦାବି ଓ ପ୍ରସ୍ତାବକୁ ଗମ୍ଭୀରତା ସହ ବିଚାରକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ରାଜ୍ୟ ନିର୍ବାଚନ ଆୟୋଗ ।ପଞ୍ଚାୟତ ନିର୍ବାଚନରେ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚ ବଢ଼ାଇଛନ୍ତି।
ଏଣିକି ଜିଲ୍ଲା ପରିଷଦ ପ୍ରାର୍ଥୀ ୫ଲକ୍ଷ ଟଙ୍କା ଯାଏଁ ନିର୍ବାଚନ ଖର୍ଚ୍ଚ କରିପାରିବେ। ପୂର୍ବରୁ ଜିଲ୍ଲା ପରିଷଦ ପ୍ରାର୍ଥୀଙ୍କ ଖର୍ଚ୍ଚ ସୀମା ୨ ଲକ୍ଷ ଟଙ୍କା ଥିଲା। ୨୦୧୭ ପଂଚାୟତ ନିର୍ବାଚନ ସମୟରେ ଜିଲ୍ଲା ପରିଷଦ ସଭ୍ୟ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚ ସୀମାକୁ ଦେଢ଼ଲକ୍ଷ ଟଙ୍କାରୁ ୨ଲକ୍ଷ ଟଙ୍କା କରାଯାଇଥିଲା। ସେହିପରି ସେହିପରି ପଂଚାୟତ ସମିତିସଭ୍ୟ ଓ ସରପଂଚ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚ ସୀମାକୁ ୨ଲକ୍ଷ ଟଙ୍କାକୁ ବଢ଼ାଇଛନ୍ତି। ସମିତିସଭ୍ୟ ଓ ସରପଂଚ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚ ୮୦ହଜାର ଟଙ୍କା ଥିଲା ଗତ ନିର୍ବାଚନରେ।
ଖାଲି ସେତିକି ନୁହେଁ, ପ୍ରଚାରରେ ପ୍ରାର୍ଥୀଙ୍କ ଦ୍ୱାରା ଯାନବାହନ ବ୍ୟବହାର ପାଇଁ ସଂଖ୍ୟା ବୃଦ୍ଧି ମଧ୍ୟ କରାଯାଇଛି। ଏଣିକି ପ୍ରଚାର ପାଇଁ ଜିଲ୍ଲା ପରିଷଦ ପ୍ରାର୍ଥୀ ୫ଟି କାର ବା ଜିପ, ୧0ଟି ବାଇକ ବ୍ୟବହାର କରିପାରିବେ। ସରପଞ୍ଚ ଓ ସମିତିସଭ୍ୟ ପ୍ରାର୍ଥୀ ୨ଟି କାର ବା ଜିପ ଓ ୫ଟି ଦୁଇ ଚକିଆ ଗାଡ଼ି ବ୍ୟବହାର ପାଇଁ କମିଶନ ଅନୁମତି ଦେଇଛନ୍ତି। ଏ ନେଇ ଆଜି ନିର୍ବାଚନ ଆୟୋଗ ନୂଆ ନିର୍ଦେଶ ଜାରି କରିଛନ୍ତି।
