ଶାସକ ଦଳ ଗୁଣ୍ଡାଗିରି କରି ଭୋଟରଙ୍କୁ ଭୟଭୀତ କରୁଛି : ନିରଂଜନ
ଶାସକ ଦଳ ଗୁଣ୍ଡାଗିରି କରି ଭୋଟରଙ୍କୁ ଭୟଭୀତ କରୁଛି : ନିରଂଜନ
admin
2262
ଭୁବନେଶ୍ୱର : ନିର୍ବାଚନ ସମୟରେ ଶାସକ ଦଳର ଗୁଣ୍ଡାଗିରି ବଢିଛି । କେଉଁଠି ବୋମା ମାଡ ହେଲାଣି ତ କେଉଁଠି ହତ୍ୟାକାଣ୍ଡ ଘଟାଉଛନ୍ତି । ଭୋଟରଙ୍କୁ ଭୟଭୀତ କରାଇବା ପାଇଁ ଶାସକ ଦଳ ପ୍ରୟାସ କରୁଛି ବୋଲି ପ୍ରଦେଶ କଂଗ୍ରେସ କମିଟି ସଭାପତି ନିରଂଜନ ପଟ୍ଟନାୟକ ଅଭିଯୋଗ କରିଛନ୍ତି । ଏକ ପ୍ରେସ୍ ବିଜ୍ଞପ୍ତିରେ ନିରଂଜନ କହିଛନ୍ତି , ରାଜ୍ୟରେ ଶାସକ ଦଳର ଲୋକମାନେ ବିଭିନ୍ନ ସ୍ଥାନରେ ଗୁଣ୍ଡାଗିରି କରୁଥିବା ଅଭିଯୋଗ ଆସିଛି । ହେଲେ ଶାସକ ଦଳର ଗୁଣ୍ଡାମି ପ୍ରତି ପୁଲିସ ପ୍ରଶାସନ ନୀରବତା ପ୍ରକାଶ କରୁଛନ୍ତି ବୋଲି ସେ କହିଛନ୍ତି । ଅର୍ଥ, ବାହୁବଳ ଓ ସରକାରୀ କଳ ଦ୍ୱାରା ଘଟଣାଗୁଡିକୁ ଚପାଇ ଦେବାକୁ ପ୍ରୟାସ କରାଯାଉଛି । ସେହିଭଳି ବିଜେପି ମଧ୍ୟ କେତେକ ସ୍ଥାନରେ ହିଂସା କରୁଥିବା ସେ କହିଛନ୍ତି । ଅପରପକ୍ଷେ କଂଗ୍ରେସ ଦଳ ଶାନ୍ତି ଓ ଅହିଂସା ଉପରେ ନିର୍ଭର କରିଥାଏ । ତେବେ ଗଣତନ୍ତ୍ରର ପ୍ରକୃତ ମୂଲ୍ୟବୋଧ ରକ୍ଷା ପାଇଁ ଅବାଧ ନିରପେକ୍ଷ ନିର୍ବାଚନ ହେବା ଆବଶ୍ୟକ ବୋଲି ନିରଂଜନ କହିଛନ୍ତି । ପ୍ରକୃତ ଜନ ପ୍ରତିନିଧିମାନେ ନିର୍ବାଚିତ ହୋଇ ଆସିବା ପାଇଁ ଅବାଧ ଓ ନିରପେକ୍ଷ ଭାବେ ନିର୍ବାଚନ ପରିଚାଳନା କରିବାକୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଦୃଷ୍ଟି ଦେବାକୁ ସେ ଅନୁରୋଧ କରିଛନ୍ତି ।
