ପଞ୍ଚାୟତ ଭୋଟ ଚାଲିବ ଦିନ ୧ଟା ପର୍ଯ୍ୟନ୍ତ
ପଞ୍ଚାୟତ ଭୋଟ ଚାଲିବ ଦିନ ୧ଟା ପର୍ଯ୍ୟନ୍ତ
admin
2793
ଭୁବନେଶ୍ୱର: ଏଥର ପଞ୍ଚାୟତ ନିର୍ବାଚନରେ ମତଦାନ ସମୟ ଘଣ୍ଟାଏ ବଢିବ। ଭୋଟଗ୍ରହଣ ସକାଳ ୭ଟାରୁ ଦିନ ୧ଟା ପର୍ଯ୍ୟନ୍ତ ହେବ। ଏ ସଂକ୍ରାନ୍ତରେ ରାଜ୍ୟ ନିର୍ବାଚନ ଆୟୋଗ ନିର୍ଦେଶନାମା ଜାରି କରିଛନ୍ତି। ପୂର୍ବରୁ ସକାଳ ୭ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଭୋଟ ଗ୍ରହଣ ହେଉଥିଲା। ଚଳିତଥର ଆଉ ଏକ ଘଣ୍ଟା ବୃଦ୍ଧି କରାଯାଇଛି। ଗତ ୬ ତାରିଖରେ ନିର୍ବାଚନ ଆୟୋଗଙ୍କ ପକ୍ଷରୁ ଆୟୋଜିତ ସର୍ବଦଳୀୟ ବୈଠକରେ ଏହା ଉପରେ ଆଲୋଚନା ହୋଇଥିଲା। ଖୋଦ ନିର୍ବାଚନ କମିଶନର ଆଦିତ୍ୟ ପ୍ରସାଦ ପାଢ଼ୀ ଏଭଳି ପ୍ରସ୍ତାବ ରଖିବା ସହ ରାଜନୈତିକ ଦଳମାନଙ୍କ ମତାମତ ଲୋଡ଼ିଥିଲେ। ପ୍ରାୟ ସବୁ ଦଳ ଭୋଟ ଗ୍ରହଣ ସମୟ ବୃଦ୍ଧି ପ୍ରସ୍ତାବରେ ରାଜି ହୋଇଥିଲେ। ଅଧିକ ବିଚାର ବିମର୍ଷ ପରେ ଏ ନେଇ ଚୂଡ଼ାନ୍ତ ନିଷ୍ପତ୍ତି ନେଇଛନ୍ତି କମିଶନ।
ଏହାସହିତ ନିର୍ବାଚନ କମିଶନ ଚଳିତଥର ଭୋଟଗଣତି ବୁଥସ୍ତରରେ ନକରି ବ୍ଲକସ୍ତରରେ କରାଯିବାକୁ ନିଷ୍ପତ୍ତି ନେଇଛନ୍ତି। ରାଜ୍ୟରେ ଆସନ୍ତା ଫେବୃୟାରୀ ଦ୍ୱିତୀୟ ସପ୍ତାହରେ ପଞ୍ଚାୟତ ନିର୍ବାଚନ ହେବାର ସମ୍ଭାବନା ଥିବାବେଳେ ଡିସେମ୍ବରରେ ଚୂଡାନ୍ତ ଭୋଟର ତାଲିକା ପ୍ରକାଶ ପାଇବ। ଡିସେମ୍ବର ଶେଷ ସପ୍ତାହ ସୁଦ୍ଧା ପଞ୍ଚାୟତ ନିର୍ବାଚନ ତାରିଖ ଘୋଷଣା ହୋଇପାରେ।
