ସଚିନଙ୍କ ସହ କଥା ହେବେ ରାହୁଲ !
ସଚିନଙ୍କ ସହ କଥା ହେବେ ରାହୁଲ !
admin
5867
ନୂଆଦିଲ୍ଲୀ : ବଦଳିଛି ରାହୁଲ ଗାନ୍ଧୀଙ୍କ ମିଜାଜ । ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ସହ ସେ କଥା ହେବେ ବୋଲି ଚର୍ଚ୍ଚା ଆରମ୍ଭ ହୋଇଛି । କଂଗ୍ରେସ ପାଇଲଟଙ୍କୁ ନୀଚ୍ଚା ଦେଖାଇଥିବାବେଳେ ରାହୁଲ ତାଙ୍କ ପାଇଁ ଦୁଆର ଉନ୍ମୁକ୍ତ ରଖିଛନ୍ତି ବୋଲି କୁହାଯାଉଛି । ପାଇଲଟଙ୍କ ଏକ ବିବୃତି ରାହୁଲଙ୍କ ମୁଡ଼ ବଦଳାଇ ଦେଇଛି । ନିକଟରେ ପାଇଲଟ କହିଥିଲେଯେ, ସେ ବିଜେପିକୁ ଯିବେ ନାହିଁ । ଗାନ୍ଧୀ ପରିବାର ସହ ତାଙ୍କର ସମ୍ପର୍କ ଖରାପ କରିବା ପାଇଁ ସେ ବିଜେପିକୁ ଯିବେ ବୋଲି ଜାଣିଶୁଣି ଅପପ୍ରଚାର କରାଯାଉଛି । ଅପରପକ୍ଷରେ ସଚିନଙ୍କ ବିରୋଧରେ କଡ଼ା ଟିପ୍ପଣୀ ନଦେବାକୁ ଗେହଲଟଙ୍କୁ କୁହାଯାଇଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।
ସୂଚନାଯୋଗ୍ୟଯେ, ରାଜସ୍ଥାନ ସରକାର ଓ କଂଗ୍ରେସ ଦଳରେ ବିଭ୍ରାଟ ସୃଷ୍ଟି ହୋଇଥିଲେ ବି ସଚିନ ପାଇଲଟଙ୍କ ସହ ସେ ଆଲୋଚନା କରିନାହାନ୍ତି । ତେବେ ପ୍ରି୍ରୟଙ୍କା ଗାନ୍ଧୀ ତିନି ଥର କଥା ହୋଇଥିଲେ ମଧ୍ୟ କୌଣସି ନିଷ୍କର୍ସ ବାହାରି ପାରିନଥିଲା ।
