ଶ୍ରୀଲିଙ୍ଗରାଜ ମନ୍ଦିର ଖୋଲିବା ନେଇ ଆଜି ହୋଇପାରେ ନିଷ୍ପତି
ଶ୍ରୀଲିଙ୍ଗରାଜ ମନ୍ଦିର ଖୋଲିବା ନେଇ ଆଜି ହୋଇପାରେ ନିଷ୍ପତି
admin
5675
ଭୁବନେଶ୍ୱର : କରୋନା କଟକଣା ପାଇଁ ପ୍ରାୟ ୯ ମାସ ହେଲା ଶ୍ରଦ୍ଧାଳୁଙ୍କ ପାଇଁ ବନ୍ଦ ଥିବା ଶ୍ରୀଲିଙ୍ଗରାଜ ମନ୍ଦିର କେବେ ପୁଣି ଖୋଲିବ, ତାହାକୁ ଶ୍ରଦ୍ଧାଳୁ ଅପେକ୍ଷା କରିଛନ୍ତି । ପୁରୀ ଶ୍ରୀମନ୍ଦିର କରୋନା କଟକଣା ମଧ୍ୟରେ ଡିସେମ୍ବର ୨୩ ତାରିଖରୁ ଖୋଲିବାକୁ ଥିବା ବେଳେ ଶ୍ରୀ ଲିଙ୍ଗରାଜ ମନ୍ଦିର ମଧ୍ୟ ସେହିଭଳି ଖୋଲିବାକୁ ଦାବି ହୋଇଛି । ଶ୍ରଦ୍ଧାଳୁଙ୍କ ଦାବିକୁ ନଜରରେ ରଖି ଆଜି ବିଏମସି ପକ୍ଷରୁ ଏକ ଜରୁରୀ ବୈଠକ ଡକାଯାଇଛି । ବିଏମସି କମିସନର ପ୍ରେମଚନ୍ଦ୍ର ଚୌଧୁରୀଙ୍କ ଅଧ୍ୟକ୍ଷତାରେ ବିଏମସି ସମ୍ମିଳନୀ କକ୍ଷରେ ବସିବାକୁ ଥିବା ଏହି ବୈଠକରେ ଦେବୋତ୍ତର କମିସନର, ଭୁବନେଶ୍ୱର ଡିସିପି, ବିଡିଏ ସଚିବ, ଭୁବନେଶ୍ୱର ଏଡିଏମ, ଉପଜିଲ୍ଲାପାଳ, ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟର ନିର୍ବାହୀ ଅଧିକାରୀ ଏଥିରେ ଯୋଗ ଦେବେ । ଏହା ବାଦ ବ୍ରାହ୍ମଣ ନିଯୋଗ, ବଡୁ ନିଯୋଗ, ପୂଜାପଣ୍ଡା ନିଯୋଗ, ସମର୍ଥାର ନିଯୋଗର ସମ୍ପାଦକଙ୍କୁ ମଧ୍ୟ ଡକାଯାଇଛି । ରାଜଧାନୀରେ ଏବେ ଦୈନିକ ପ୍ରାୟ ୩୦ ରୁ ୪୦ ଜଣ କରୋନା ଆକ୍ରାନ୍ତ ଚିହ୍ନ ହେଉଥିବା ବେଳେ କିପରି କଟକଣା ଓ କଡା ଯାଞ୍ଚ ମଧ୍ୟରେ ଶ୍ରଦ୍ଧାଳୁଙ୍କୁ ମନ୍ଦିରକୁ ଛଡ଼ାଯିବ କ’ଣ କ’ଣ କଟକଣା ରହିବ ସେନେଇ ବିଭିନ୍ନ ବିଭାଗର ଅଧିକାରୀ ମାନେ ମତାମତ ରଖିବେ । ମନ୍ଦିରର ସେବାୟତମାନେ କଟକଣା ମଧ୍ୟରେ ମନ୍ଦିର ଖୋଲାଯାଉ ବୋଲି ଦାବି କରୁଥିବା ବେଳେ ପ୍ରଶାସନ ବଡ଼ ଦିନ ଧ ନୂଆବର୍ଷ ଭିଡକୁ ନଜରରେ ରଖି ଏବେ ମନ୍ଦିର ଖୋଲିବାକୁ ଚାହୁଁନି ।
