ମୋଦିଙ୍କୁ ପଛରେ ପକାଇଲେ କୋହଲି, ପଢନ୍ତୁ ପୁରା ଖବର
ମୋଦିଙ୍କୁ ପଛରେ ପକାଇଲେ କୋହଲି, ପଢନ୍ତୁ ପୁରା ଖବର
admin
4913
ନୂଆଦିଲ୍ଲୀ: ସୋସିଆଲ ମିଡିଆ ସାଇଟ ଇନଷ୍ଟାଗ୍ରାମର ପ୍ରଭାବଶାଳୀ ବ୍ୟକ୍ତି ତାଲିକାରେ ଭାରତୀୟ କି୍ରକେଟ ଦଳର ଚର୍ଚ୍ଚିତ ଅଧିନାୟକ ବିରାଟ କୋହଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପଛରେ ପକାଇ ଦେଇଛନ୍ତି । ୨୪ ଲକ୍ଷ ଅନୁଗାମୀ ଥିବା କୋହଲି ବିଶ୍ୱସ୍ତରୀୟ ଡାଟା ସଂଗ୍ରହ ଏବଂ ଅନୁଶୀଳନ ମଞ୍ଚ ‘ହାଇପ ଅଡିଟର’ ପ୍ରସ୍ତୁତ କରିଥିବା ଏହି ତାଲିକାରେ ଭାରତୀୟଙ୍କ ମଧ୍ୟରେ ପ୍ରଥମ ସ୍ଥାନରେ ଥିଲା ବେଳେ ମୋଦି ଦ୍ୱିତୀୟ ସ୍ଥାନରେ ଅଛନ୍ତି । ବିଶ୍ୱ ତାଲିକାରେ କିନ୍ତୁ କୋହଲି ଦ୍ୱାଦଶ ଏବଂ ମୋଦି ୨୦ତମ ସ୍ଥାନ ଅଧିକାର କରିଛନ୍ତି । ମୋଦି ଗତ ବର୍ଷ ଅପେକ୍ଷା ତିନିଟି ସ୍ଥାନ ଉପରକୁ ଉଠିବା ଅବଶ୍ୟ ତାଙ୍କ ସମର୍ଥକଙ୍କୁ ଉଲ୍ଲସିତ କରିଛି । ବିଶ୍ୱ ତାଲିକାରେ ପର୍ତ୍ତୁଗାଲର ଲୋକପି୍ରୟ ଫୁଟବଲ ତାରକା କି୍ରଷ୍ଟି୍ରଆନୋ ରୋନାଲଡ ପ୍ରଥମ ସ୍ଥାନରେ ରହିଥିବା ବେଳେ ଆର୍ଜେଣ୍ଟିନାର ମହାନ ଫୁଟବଲ ଲିଓନେଲ ମେସି ଖେଳାଳିଙ୍କ ଭିତରେ ଦ୍ୱିତୀୟ ଏବଂ ମୋଟ ଉପରେ ଚତୁର୍ଥ ସ୍ଥାନରେ ରହିଛନ୍ତି । ବ୍ରାଜିଲର ଫୁଟବଲ ଖେଳାଳି ନେମାର ତ୍ରୟୋଦଶ ସ୍ଥାନ ଅଧିକାର କରିଛନ୍ତି । ହାଇପ ଅଡିଟର ପ୍ରସ୍ତୁତ କରିଥିବା ବିଶ୍ୱର ଏହି ୧,୦୦୦ ଇନଷ୍ଟାଗ୍ରାମ ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରେ କୋହଲି, ମୋଦିଙ୍କ ପରେ ଅନୁଷ୍କା ଶର୍ମା ଭାରତୀୟଙ୍କ ମଧ୍ୟରେ ତୃତିୟ ସର୍ବଶ୍ରେଷ୍ଠ ମାନ୍ୟତା ହାସଲକାରୀ ହୋଇଛନ୍ତି । ଦୀପିକା ପାଦୁକୋନଙ୍କଠାରୁ ୨୩ଟି ସ୍ଥାନ ଉପରେ ଅର୍ଥାତ ୨୬ତମ ସ୍ଥାନରେ ଅଛନ୍ତି ଅନୁଷ୍କା ।
