ଶ୍ରୀମନ୍ଦିର ସ୍ୱାର୍ଥପୂର୍ତ୍ତି ଓ ଶୋଷଣ କେନ୍ଦ୍ର: ଶଙ୍କରାଚାର୍ଯ୍ୟ
ଶ୍ରୀମନ୍ଦିର ସ୍ୱାର୍ଥପୂର୍ତ୍ତି ଓ ଶୋଷଣ କେନ୍ଦ୍ର: ଶଙ୍କରାଚାର୍ଯ୍ୟ
admin
2083
ପୁରୀ : ଶାସନ, ପରିଚାଳନା ସମିତି ଓ ସେବାୟତ ଗୋଷ୍ଠୀଙ୍କ ଯୋଗୁଁ ଶ୍ରୀମନ୍ଦିର ସ୍ୱାର୍ଥପୂର୍ତ୍ତି ଓ ଶୋଷଣ କେନ୍ଦ୍ର ପାଲଟିଛି । ଏଠାରେ ଧାର୍ମିକ ଓ ଆଧ୍ୟାତ୍ମିକ ସମ୍ବିଧାନ ଦୂରେଇଯିବା ପୂର୍ବରୁ ପ୍ରତିକାର ଚିନ୍ତା କରାଯିବା ଦରକାର । ଶ୍ରୀମନ୍ଦିର ପ୍ରଶାସନ, ପରିଚାଳନା କମିଟି ଓ ସେବାୟତଙ୍କ ଉଦେ୍ଧଶ୍ୟରେ ଏଭଳି କଡ଼ା ଭାଷାରେ କହିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ମହାରାଜ । ଆଜି ଏକ ପ୍ରେସ୍ ବିବୃତ୍ତିରେ ଶଙ୍କରାଚାର୍ଯ୍ୟ କହିଛନ୍ତି, ଶ୍ରୀମନ୍ଦିର ସହିତ ଶାସନ, ପରିଚାଳନା ସମିତି ଓ ସେବାୟତ ଗୋଷ୍ଠୀକୁ ଧ୍ୟାନ ରଖିବା ଆବଶ୍ୟକ ଯେ ଆଦର୍ଶହୀନ ଅସ୍ତିତ୍ୱ ସୁରକ୍ଷିତ ରହିବା କେତେ ସମୟ ପର୍ଯ୍ୟନ୍ତ ସମ୍ଭବ ଏବଂ ସୌଦ୍ଧାନ୍ତିକ ଧରାତଳରେ ଏହାର ମହତ୍ୱ କ’ଣ । ଶିକ୍ଷା, ରକ୍ଷା, ସଂସ୍କୃତି, ସେବା ମୋକ୍ଷର ଏହି ପବିତ୍ର ସଂସ୍ଥାନକୁ ଧାର୍ମିକ ଓ ଆଧ୍ୟାତ୍ମିକ ସମ୍ବିଧାନ ତଥା ମାର୍ଗଦର୍ଶନକୁ ଦୂରେଇ ରଖିବା ଦ୍ୱାରା ଏହି ସଂସ୍ଥାନ ସ୍ୱାର୍ଥପୂର୍ତ୍ତି ଓ ଶୋଷଣର କେନ୍ଦ୍ର ବୋଲି ପ୍ରମାଣିତ ହେଉଛି । ଏହି ସଂସ୍ଥାନର ପ୍ରକୃତ ଲକ୍ଷ୍ୟ ଅନୁରୂପ ଦିଗଦର୍ଶନ ପ୍ରଦାନ ପାଇଁ ସମ୍ପୃକ୍ତ ପକ୍ଷମାନଙ୍କର ଉଚିତ ପୋଷଣ ନିତାନ୍ତ ଆବଶ୍ୟକ ଅଟେ । ଏଣୁ ସମୟ ଥାଉ ଥାଉ ପଦକ୍ଷେପ ନେବା ଅତ୍ୟନ୍ତ ଆବଶ୍ୟକ ଅଟେ ।
