ଶସ୍ତାରେ ପୁରୀରେ ରହଣୀ

Dec 19, 2020 - 12:12 Updated: Dec 19, 2020 - 12:12

3061

ଭୁବନେଶ୍ୱର: ଜଗା ଦର୍ଶନ କରିବାକୁ ପୁରୀ ଯାଉଥିବା ଲୋକଙ୍କ ସବୁଠୁ ବଡ଼ ସମସ୍ୟା ହେଉଛି ହୋଟେଲରେ ରହିବା । ଗୋଟିଏ ଦିନ ହୋଟେଲରେ ରହିଲେ ଗଣିବାକୁ ପଡ଼ିଥାଏ ୧୦୦୦ରୁ ଊଦ୍ଧ୍ୱର୍ ଟଙ୍କା । ତେବେ ଏବେ ସେ ଚିନ୍ତା ଦୂର ହେବାକୁ ଯାଉଛି । କାରଣ ଏବେ ଶହେରୁ ଦେଢ ଶହ ଟଙ୍କା ମଧ୍ୟରେ ପୁରୀରେ ରହିହେବ । ସାଧାରଣ ଲୋକଙ୍କୁ ସ୍ୱଳ୍ପ ମୂଲ୍ୟରେ ରହଣି ପାଇଁ ଭକ୍ତ ନିବାସ ନିର୍ମାଣ କରାଯିବ । ଭକ୍ତ ନିବାସ ନିର୍ମାଣ ସମ୍ପର୍କରେ ମୁଖ୍ୟ ପ୍ରଶାସକ କ୍ରୀଷନ କୁମାର ସୂଚନା ଦେଇଛନ୍ତି । ତାଙ୍କ ସୂଚନା ଅନୁସାରେ ଭକ୍ତ ନିବାସ ପାଇଁ ବାସେଳୀ ସାହି ଥାନା ନିକଟରେ ଜମି ଚିହ୍ନଟ କରାଯାଇଛି । ୯/୧୦ ଏକର ଜାଗା ଚିହ୍ନଟ କରାଯାଇଛି । ସେଠାରେ ୩ରୁ ୪ ହଜାର ଲୋକଙ୍କ ରହଣୀ ବ୍ୟବସ୍ଥା କରାଯିବ । ଭକ୍ତ ନିବାସରେ ରହଣି ପାଇଁ ବେଡ ପିଛା ଶହେରୁ ଦେଢଶହ ଟଙ୍କା ଦେବାକୁ ପଡ଼ିବ ବୋଲି ମୁଖ୍ୟ ପ୍ରଶାସକ କ୍ରୀଷନ କୁମାର ସୂଚନା ଦେଇଛନ୍ତି ।