ନୂଆ ମୋଟର ଯାନ ଆଇନ ନେଇ ବର୍ଷିଲେ ସୁର
ନୂଆ ମୋଟର ଯାନ ଆଇନ ନେଇ ବର୍ଷିଲେ ସୁର
admin
6319
ଭୁବନେଶ୍ୱର:ସେପ୍ଟେମ୍ବର ୧ରୁ ଦେଶବ୍ୟାପୀ ଲାଗୁ ହୋଇଛି ନୂଆ ମୋଟର ଯାନ ଆଇନ । ନୂଆ ଆଇନ କାର୍ଯ୍ୟକାରୀ ହେବା ପରେ ଚାରିଆଡେ଼ ଚାଲିଛି ଧରପଗଡ଼ । ଆଇନ ଭାଙ୍ଗିଲେ ଆଦାୟ ହେଉଛି ୧୦ ଗୁଣ ଅଧିକ ଜୋରିମାନା । ଇଚ୍ଛା ନଥିଲେ ବି ଲୋକେ ତଣ୍ଡ ଗଣିବାକୁ ବାଧ୍ୟ ହେଉଛନ୍ତି । ଯାହା ବିରୋଧରେ ଲୋକେ ଏବେ ସ୍ୱର ଉତ୍ତୋଳନ କରିବାକୁ ଆରମ୍ଭ କରିଲେଣି । ତେବେ ସେମାନଙ୍କ ଭିତରେ ସାମିଲ ହୋଇଛନ୍ତି ବରିଷ୍ଠ କଂଗ୍ରେସ ବିଧାୟକ ସୁର ରାଉତରାୟ ।
ରାଜ୍ୟ ସରକାରଙ୍କ ଉପରେ ବର୍ଷିବା ସହ ଶ୍ରୀ ରାଉତରାୟ କହିଛନ୍ତି ଯେ, ଓଡ଼ିଶାରେ ମୋଟର ଯାନ ଆଇନ ତରବରିଆଭାବେ ଲାଗୁ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜର ପତିଆରା ଜାହିର କରିବା ପାଇଁ ତରବରିଆ ପଦକ୍ଷେପ ନେଇଛନ୍ତି । ରାଜସ୍ଥାନ, ପଶ୍ଚିମବଙ୍ଗ ଓ ମଧ୍ୟପ୍ରଦେଶ ସରକାର ଏନେଇ ସମୟ ନେଇଛନ୍ତି । ଓଡ଼ିଶା ପୁଲିସର ୯୦% ଗାଡ଼ିର ଲାଇସେନ୍ସ ନାହିଁ । ରାଜ୍ୟର ଅନେକ ନେତାଙ୍କ ଗାଡ଼ି ୭୦ରୁ ୮୦% ଲାଇସେନ୍ସ ନାହିଁ । ଏହି ଅନ୍ଧ ଆଇନର ପରିବର୍ତ୍ତନ ହେଉ । ବାଇକ ଚାଳକଙ୍କୁ ୧୦୦ଟଙ୍କା ଫାଇନ ହେଉ । ଲୋକଙ୍କ ଠାରୁ ଫାଇନ ଆକାରରେ ଅଧିକରୁ ଅଧିକ ୫୦୦ ଟଙ୍କା ନେବା ଦରକାର । ଭିତ୍ତିଭୂମି ନଥାଇ ଆଇନ ଲାଗୁ କଲେ କଣ ହେବ ବୋଲି ସୁର ପ୍ରଶ୍ନ କରିବା ସହ ଆଗେ ତ୍ତଭିତ୍ତିଭୂମି ଠିକ କରିବାକୁ ସେ ଦାବି କରିଛନ୍ତି ।
