ରାହୁଲଙ୍କୁ ଶାହଙ୍କ କଡ଼ା ସମାଲୋଚନା, ଆଇନ ବୁଝିପାରୁନଥିଲେ ଇଟାଲି ଅନୁବାଦ କରି ବୁଝାଇଦେବୁ
ରାହୁଲଙ୍କୁ ଶାହଙ୍କ କଡ଼ା ସମାଲୋଚନା, ଆଇନ ବୁଝିପାରୁନଥିଲେ ଇଟାଲି ଅନୁବାଦ କରି ବୁଝାଇଦେବୁ
admin
3854
ନୂଆଦିଲ୍ଲୀ : କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶୁକ୍ରବାର ସିଏଏ ପ୍ରସଙ୍ଗରେ କଂଗ୍ରେସ ଏବଂ ଅନ୍ୟ ବିରୋଧୀ ଦଳଙ୍କୁ କଡ଼ା ସମାଲୋଚନା କରିଛନ୍ତି । ଶାହ କହିଛନ୍ତି, ଯେତେ ଆନ୍ଦୋଳନ ହେଲେ ବି ବିଜେପି ନାଗରିକତା ଆଇନ ପ୍ରସଙ୍ଗରେ ଗୋଟିଏ ଇଞ୍ଚ ମଧ୍ୟ ପଛକୁ ହଟିବ ନାହିଁ । ସିଏଏ ସମର୍ଥନରେ ଶାହ ଶୁକ୍ରବାର ରାଜସ୍ଥାନର ଯୋଧପୁରରେ ଏକ ର୍ୟାଲିରେ ଉଦବୋଧନ ଦେଇ କହିଛନ୍ତି, ଯଦି ସବୁ ଦଳ ଏକାଠି ହୁଅନ୍ତି ତେବେ ମଧ୍ୟ ବିଜେପି ସିଏଏ ପ୍ରସଙ୍ଗରେ ଇଞ୍ଚେ ପଛକୁ ହଟିବ ନାହିଁ । ଯେତେ ମିଛ ଖବର ପ୍ରଚାର କଲେ ବି ଆମେ ହତୋତ୍ସାହ ହେବୁ ନାହିଁ ବୋଲି ସେ କହିଛନ୍ତି । ଏଥିସହ ଶାହ କଂଗ୍ରେସ ନେତା ରାହୁଲ ଗାନ୍ଧିଙ୍କୁ କଡ଼ା ସମାଲୋଚନା କରିଛନ୍ତି ।
ଶାହ କହିଛନ୍ତି, \"ଯଦି ଆପଣ ଆଇନକୁ ପଢ଼଼ିଛନ୍ତି ତେବେ ଏ ସଂକ୍ରାନ୍ତରେ ବିତର୍କ ପାଇଁ ଆସନ୍ତୁ । କିନ୍ତୁ ଯଦି ଆଇନ ପଢ଼଼ିନାହାନ୍ତି ତେବେ ମୁଁ ଇଟାଲି ଅନୁବାଦ କରି ଏହି ଆଇନକୁ ବୁଝାଇଦେବି । ଶାହ କଂଗ୍ରେସକୁ କଡ଼ା ସମାଲୋଚନା କରି କହିଛନ୍ତି, କଂଗ୍ରେସ ଭୋଟ୍ ବ୍ୟାଙ୍କ୍ ରାଜନୀତି ପାଇଁ ଜଣେ ମହାନ୍ ବ୍ୟକ୍ତିତ୍ୱ ବୀର ସବରକରଙ୍କ ବିରୋଧରେ କହୁଛି । କଂଗ୍ରେସ ଏଥିପାଇଁ ଲଜ୍ଜା ଅନୁଭବ କରିବା ଉଚିତ । ଅନ୍ୟପକ୍ଷେ ଲୋକମାନଙ୍କୁ ସିଏଏ ପ୍ରସଙ୍ଗରେ ବୁଝାଇ ଶାହ କହିଛନ୍ତି, ସିଏଏ ଆଇନ ବଳରେ ନାଗରିତକା ଦିଆଯିବ କିନ୍ତୁ କାହାର ନାଗରିକତା ଛଡ଼ାଇ ନିଆଯିବ ନାହିଁ ।
