ଯବାନଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ଘଟି ୬ ମୃତ
ଯବାନଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ଘଟି ୬ ମୃତ
admin
3621
ଛତିଶଗଡ଼: ସାଧାରଣତଃ କୌଣସି ଏକ ବଡ଼ ଧରଣର ଗୋଷ୍ଠୀ ସଂଘର୍ଷ ଘଟିଥିଲେ ପରିସ୍ଥିତିକୁ ନିୟନ୍ତ୍ରଣାଧୀନ କରିବା ପାଇଁ ପୁଲିସ ଓ ଯବାନମାନଙ୍କୁ ମୁତୟନ କରାଯାଇଥାଏ । ତେବେ ଯବାନମାନଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହେବା ଓ ଏଥିରେ ୬ ଯବାନଙ୍କ ମୃତୁ୍ୟ ହେବା ଭଳି ଏକ ଅଭାବନୀୟ ଘଟିଛି । ଛତିଶଗଡ଼ ନାରାୟଣପୁରରେ ଆଇଟିବିପି ଯବାନଙ୍କ ମଧ୍ୟରେ ସଂଘର୍ଷ ଘଟିଛି । ଏହି ସଂଘର୍ଷରେ ୬ ଯବାନଙ୍କ ମୃତୁ୍ୟ ହୋଇଥିବାବେଳେ ୨ ଜଣ ଗୁରୁତର ଆହତ ହୋଇଛନ୍ତି । ମୃତାହତ ନେଇ ନାରାୟଣପୁର ଏସପି ମୋହିତ ଗର୍ଗ ସୂଚନା ଦେଇଛନ୍ତି ।
ସୂଚନା ଅନୁସାରେ, ନାରାୟଣପୁର ଜିଲା ମୁଖ୍ୟାଳୟଠାରୁ ୬୦ କିଲୋମିଟର ଦୂର କଡ଼େନାର ଅଞ୍ଚଳରେ ଆଇଟିବିପି ଯବାନମାନେ ମାଓବାଦୀ ଦମନ ଅଭିଯାନରେ ମୁତୟନ ଥିଲେ। ଯବାନଙ୍କ ଶିବିରରେ କୌଣସି କଥାକୁ ନେଇ ପରସ୍ପରଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। ଫଳରେ ଯବାନମାନଙ୍କ ମଧ୍ୟରେ ମାରପିଟ୍ ଆରମ୍ଭ ହୋଇଯାଇଥିଲା। କିଛି ଯବାନ ସର୍ଭିସ ବନ୍ଧୁକରୁ ପରସ୍ପରଙ୍କୁ ଗୁଳିମାଡ଼ କରିଥିଲେ। ଫଳରେ ଘଟଣାସ୍ଥଳରେ ୬ଜଣଙ୍କ ମୃତ୍ୟୁ ହୋଇଯାଇଥିବା ନାରାୟଣପୁର ଜିଲା ଏସପି ମୋହିତ ଗର୍ଗ ସୂଚନା ଦେଇଛନ୍ତି।
