ରାମମନ୍ଦିର ନିର୍ମିତ ପାଇଁ ରାଷ୍ଟ୍ରପତି ଦେଲେ ୫ ଲକ୍ଷ
ରାମମନ୍ଦିର ନିର୍ମିତ ପାଇଁ ରାଷ୍ଟ୍ରପତି ଦେଲେ ୫ ଲକ୍ଷ
admin
2962
ନୂଆଦିଲ୍ଲୀ : ଅଯୋଧ୍ୟାରେ ନିର୍ମିତ ହେବାକୁ ଥିବା ରାମମନ୍ଦିର ପାଇଁ ସାରା ଦେଶରେ ଦାନ ସଂଗ୍ରହ ଅଭିଯାନ ଆରମ୍ଭ ହୋଇଛି । ବିଶେଷକରି ରାଷ୍ଟ୍ରୀୟ ସ୍ୱୟଂସେବକ ସଂଘ ପକ୍ଷରୁ ଏଭଳି ମହତ୍ୱପୂର୍ଣ୍ଣ ଅଭିଯାନ ହେଉଛି ।
ରାମ ମନ୍ଦିର ପାଇଁ ଜାନୁଆରୀ ୧୫ରୁ ଏହି ଅଭିଯାନ ଆରମ୍ଭ ହୋଇଥିବାବେଳେ ଦେଶର ପ୍ରଥମ ନାଗରିକ ତଥା ରାଷ୍ଟ୍ରପତି ରାମନାଥ କୋବିନ୍ଦ ସର୍ବପ୍ରଥମେ ୫ ଲକ୍ଷ ୧୦୦ ଟଙ୍କା ଦାନ କରିଛନ୍ତି । ସେହିପରି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ ମନ୍ଦିର ନିର୍ମାଣ ପାଇଁ ୧ ଲକ୍ଷ ଟଙ୍କା ଦାନ କରିଛନ୍ତି । ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର କୋଷାଧ୍ୟକ୍ଷ ସ୍ୱାମୀ ଗୋବିନ୍ଦ ଦେବଗିରୀ ମହାରାଜ ଏବଂ ବିଶ୍ୱ ହିନ୍ଦୁ ପରିଷଦର କାର୍ଯ୍ୟାଧ୍ୟକ୍ଷ ଆଲୋକ କୁମାରଙ୍କ ସମେତ ଅନେକ ନେତା ରାଷ୍ଟ୍ରପତିଙ୍କୁ ସାକ୍ଷାତ କରି ଦାନ ସଂଗ୍ରହ କରିଥିଲେ । ଫେବୃଆରୀ ୨୭ ପର୍ଯ୍ୟନ୍ତ ଦେଶବ୍ୟାପୀ ଏହି ଅଭିଯାନ ଜାରି ରହିବ । ପାଖାପାଖି ୫ ଲକ୍ଷ ୨୫ ହଜାର ଗାଁ ବୁଲି ଲୋକମାନଙ୍କ ଠାରୁ ଦାନ ରାଶି ସଂଗ୍ରହ କରାଯିବାକୁ ଯୋଜନା କରାଯାଇଛି ।
