ରବନିତ ସିଂହ ବିଟ୍ଟୁ ଲୋକସଭାରେ କଂଗ୍ରେସ ସଂସଦୀୟ ଦଳ ନେତା

Mar 12, 2021 - 11:43 Updated: Mar 12, 2021 - 11:43

4582

ନୂଆଦିଲ୍ଲୀ: ରବନିତ ସିଂହ ବିଟ୍ଟୁ ଲୋକସଭାରେ କଂଗ୍ରେସ ସଂସଦୀୟ ଦଳ ନେତା ହୋଇଛନ୍ତି । ସେ ଅଧୀର ରଞ୍ଜନ ଚୌଧୁରୀଙ୍କ ସ୍ଥାନ ନେଇଛନ୍ତି । ବିଟ୍ଟୁ ଗତ ଅଗଷ୍ଟରୁ ଲୋକସଭାରେ ଦଳର ମୁଖ୍ୟ ଛାଟିଆ (ଚିଫ ହ୍ୱିପ) ଅଛନ୍ତି । ଚୌଧୁରୀ ସମ୍ପ୍ରତି ପଶ୍ଚିମବଙ୍ଗ ପ୍ରଦେଶ କଂଗ୍ରେସର ସଭାପତି ଥିବାରୁ ଆସନ୍ତା ଦୁଇ ମାସ ପର୍ଯ୍ୟନ୍ତ ସେ ନିର୍ବାଚନ ପରିଚାଳନାରେ ବ୍ୟସ୍ତ ରହିବେ । ସେଥିପାଇଁ ତାଙ୍କ ସ୍ଥାନରେ ବିଟ୍ଟୁଙ୍କୁ ଲୋକସଭାରେ ଦଳର ନେତା ମନୋନୀତ କରାଯାଇଥିବା ଦଳ ସୂତ୍ରରୁ ପ୍ରକାଶ । ସମ୍ପ୍ରତି ସଂସଦରେ ବଜେଟ ଅଧିବେଶନ ଚାଲିଥିବାରୁ ୪୫ ବର୍ଷୀୟ ବିଟ୍ଟୁ ତୁରନ୍ତ, ଗୁରୁବାର ଏହି ଦାୟିତ୍ୱ ନେଇଛନ୍ତି । ଲୋକସଭାରେ ଦଳର ଉପନେତା ଗୌରବ ଗୋଗଇ ମଧ୍ୟ ଆସାମ ବିଧାନସଭା ନିର୍ବାଚନରେ ବ୍ୟସ୍ତ ଅଛନ୍ତି । ତେଣୁ ବିଟ୍ଟୁଙ୍କ ଉପରେ ଲୋକସଭାରେ ଦଳର ରଣନୀତି ପ୍ରସ୍ତୁତି ଦାୟିତ୍ୱ ପଡ଼ିଛି । ବିଟ୍ଟୁ ୨୦୦୯ ରେ ପଞ୍ଜାବର ଆନନ୍ଦପୁର ସାହିବ ଓ ୨୦୧୪ ତଥା ୨୦୧୯ ରେ ଲୁଧିଆନାରୁ କ୍ରମାଗତ ତିନି ଥର ଲୋକସଭାକୁ ନିର୍ବାଚିତ ହେଲେଣି ।