କେରଳ ନିର୍ବାଚନ : ଟିକେଟ ପାଇଁ ସିପିଏମ ଅଭିନବ ତରିକା
କେରଳ ନିର୍ବାଚନ : ଟିକେଟ ପାଇଁ ସିପିଏମ ଅଭିନବ ତରିକା
admin
5263
କେରଳରେ ଶାସନ କ୍ଷମତାରେ ଥିବା ବାମପନ୍ଥୀ ମେଣ୍ଟର ଏକ ଅଂଶୀଦାର ସିପିଏମ ରାଜ୍ୟ ବିଧାନସଭା ନିର୍ବାଚନ ପାଇଁ ୮୩ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି । ଏହି ତାଲିକାରୁ ଦଳର ଅନେକ ମନ୍ତ୍ରୀଙ୍କ ସମେତ ୩୩ ଜଣ ବିଧାୟକଙ୍କ ନାମକୁ ବାଦ ଦିଆଯାଇଛି । ଦଳ ନିଷ୍ପତ୍ତି ନେଇଛି କି ଯେଉଁ ନେତାମାନେ ପୂର୍ବରୁ ଦୁଇ ଥର ଲେଖାଏଁ ବିଧାୟକ ଭାବେ ନିର୍ବାଚିତ ହୋଇସାରିଛନ୍ତି, ସେମାନଙ୍କୁ ଏଥରକ ଆଉ ଟିକେଟ ଦିଆଯିବ ନାହିଁ । ଏହି ଆଧାରରେ ବର୍ତ୍ତମାନ ବିଧାୟକ ଥିବା ୩୩ ଜଣ ନେତାଙ୍କ ଟିକେଟ କଟାଯାଇଛି । ଏହା ଯୋଗୁଁ ଦଳର ଅନେକ ବରିଷ୍ଠ ନେତା ଯେପରିକି ଥୋମାସ ଇସାକ, ଏ କେ ବାଲନ ଏବଂ ଜୀ ସୁଧାକରନଙ୍କ ଭଳି ବରିଷ୍ଠ ନେତାମାନଙ୍କୁ ଏଥରକ ନିର୍ବାଚନ ମଇଦାନରେ ଦେଖିବାକୁ ମିଳିବ ନାହିଁ । ଇସାନ ଚାରି ଥର ବିଧାୟକ ଏବଂ ଦୁଇ ଥର ମନ୍ତ୍ରୀ ରହି ସାରିଛନ୍ତି । ସୁଧାକରନ ତିନି ଥର ବିଧାୟକ ଓ ମନ୍ତ୍ରୀ ରହି ସାରିଛନ୍ତି । ମୁଖ୍ୟମନ୍ତ୍ରୀ ପିନରାୟୀ ବିଜୟନଙ୍କୁ ଟକ୍କର ଦେବା ପାଇଁ ଏହି ନେତାମାନଙ୍କର କ୍ଷମତା ଥିବାର ମନେ କରାଯାଉଥିଲା । ହେଲେ ଏମାନଙ୍କୁ ପ୍ରାର୍ଥୀ ତାଲିକାରୁ ବାଦ ଦେଇ ବିଜୟନ ନିଜର ମାର୍ଗରୁ କଣ୍ଟା ହଟାଇ ଦେଇଛନ୍ତି । କିଛି ରାଜନୈତିକ ବିଶ୍ଳେଷକ ମତ ଦେଇଛନ୍ତି କି କେରଳ ସିପିଏମରେ ଏବେ ବିଜୟନ ଯୁଗ ଆରମ୍ଭ ହେବାକୁ ଯାଉଛି ।
