ଗୃହରେ ସାନିଟାଇଜର ପିଇବାକୁ ବିଧାୟକଙ୍କ ଉଦ୍ୟମ
ଗୃହରେ ସାନିଟାଇଜର ପିଇବାକୁ ବିଧାୟକଙ୍କ ଉଦ୍ୟମ
admin
5009
ଭୁବନେଶ୍ୱର : ମଣ୍ଡି ସମସ୍ୟାକୁ ନେଇ ଆଜି ବିଧାନସଭା ସରଗରମ ହୋଇଯାଇଛି । ଚାଷୀଙ୍କ ପାଇଁ ବିରୋଧୀ ଏକାଠି ହୋଇ ସରକାରଙ୍କୁ ଘେରିଛନ୍ତି । ବିରୋଧୀଙ୍କ ଆକ୍ରମଣାତ୍ମକ ଆଭିମୁଖ୍ୟ ପାଇଁ ଆଜି ଗୃହ ବାରବାର ମୁଲତବୀ ହୋଇଛି । ତେବେ ଅପରାହ୍ନରେ ଏକ ଅସ୍ୱାଭାବିକ ଘଟଣା ଦେଖିବାକୁ ମିଳିଥିଲା । ବିଜେପି ବିଧାୟକ ସୁବାସ ପାଣିଗ୍ରାହୀ ସାନିଟାଇଜର ପିଇବାକୁ ଉଦ୍ୟମ କରିଥିଲେ । ତେବେ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଓ ଅନ୍ୟ ବିଧାୟକମାନେ ସାନିଟାଇଜର ବୋତଲ ଛଡ଼ାଇ ଆଣିଥିଲେ । ଯାହା ଏବେ ବେଶ ଚର୍ଚ୍ଚା ସୃଷ୍ଟିକରିଛି ।
ବଜେଟ ଅଧିବେଶନ ଆରମ୍ଭରୁ ମଣ୍ଡି ସମସ୍ୟାକୁ ନେଇ ବିରୋଧୀ ସରକାରଙ୍କୁ ଘେରି ଆସୁଛନ୍ତି । ବଜେଟ ଅଧିବେଶନର ପ୍ରଥମାର୍ଦ୍ଧରେ ବିଜେପି ବିଧାୟକ ସୁବାସ ପାଣିଗ୍ରାହୀ ଗୃହରେ ଆତ୍ମହତ୍ୟା କରିବା ପାଇଁ ଧମକ ଦେବା ସହ ଧାରଣା ଦେଇଥିବା ଦେଖିବାକୁ ମିଳିଥିଲା । ତେବେ ମଣ୍ଡି ସମସ୍ୟାର ସମାଧାନ ହେଉନଥିବାରୁ ଆଜି ଦୁଇ ଦୁଇ ଥର ଆତ୍ମହତ୍ୟାର ଚେତାବନୀ ଦେଇଥିଲେ ବିଜେପି ବିଧାୟକ ସୁବାସ ପାଣିଗ୍ରାହୀ । ତେବେ ଅପରାହ୍ନ ଅଧିବେଶନ ବେଳେ ବିଧାୟକ ଶ୍ରୀ ପାଣିଗ୍ରାହୀ ସାନିଟାଇଜର ପିଇବାକୁ ଉଦ୍ୟମ କରିଥିଲେ । ଏହା ଦେଖି ସଂସଦୀୟ ବ୍ୟାପାର ମନ୍ତ୍ରୀ ଶ୍ରୀ ଆରୁଖ ସ ଗୃହ ମଧ୍ୟଭାଗରେ ଥିବା ବିଧାୟକମାନେ ତାଙ୍କ ଠାରୁ ସାନିଟାଇଜର ଛଡ଼ାଇ ଆଣିଥିଲେ ।
