ମୋଟା ପୁଲିସଙ୍କ ପାଇଁ ଖରାପ ଖବର, ପେଟ ବଢିଲେ ଚାକିରି ଯିବ!

Jul 17, 2020 - 07:05 Updated: Jul 17, 2020 - 07:05

2899

ଭୁବନେଶ୍ୱର:ମୋଟା ପୁଲିସଙ୍କ ପାଇଁ ଖରାପ ଖବର । ଏଣିକି ପେଟ ବଢିଲେ, ଫିଟନେସ ନଥିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଦରକାର ପଡ଼ିଲେ ଇନକ୍ରିମେଣ୍ଟ ବନ୍ଦ ହେବ ଓ ଅବସର ମଧ୍ୟ ନେବାକୁ ବାଧ୍ୟ କରାଯିବ । ପୁଲିସ କମିଶନର ସୁଧାଂଶୁ ଷଡ଼ଙ୍ଗୀଙ୍କ ଏହି ଘୋଷଣା ଏବେ ଅନେକ ପୁଲିସଙ୍କ ନିଦ ହଜାଇ ଦେଇଛି । ପୁଲିସ କର୍ମଚାରୀଙ୍କୁ ଫିଟନେସ ଟାର୍ଗେଟ ଦେଇଛନ୍ତି ପୁଲିସ କମିଶନର । କମିଶନରେଟ ପୁଲିସର ସମସ୍ତ କର୍ମଚାରୀଙ୍କୁ ଫିଟନେସ ଟାର୍ଗେଟ ଦିଆଯାଇଛି । ଏନେଇ ଏକ ନିଦେ୍ର୍ଧଶନାମା ଜାରି କରିଛନ୍ତି କମିଶନର ସୁଧାଂଶୁ ଷଡ଼ଙ୍ଗୀ । ତଦନୁଯାୟୀ ଏକ ସପ୍ତାହ ମଧ୍ୟରେ ସବୁ କର୍ମଚାରୀଙ୍କ ଉଚ୍ଚତା ଓ ଓଜନ ମାପ ହେବ । ସବୁ କର୍ମଚାରୀଙ୍କୁ ସେମାନଙ୍କ ବଡି ମାସ ଇଣ୍ଡେକ୍ସ ଲିଖିତ ଦିଆଯିବ । ବୟସ, ଉଚ୍ଚତା ଅନୁସାରେ ଓଜନ କେତେ ହେବା କଥା ତାହା କୁହାଯିବ । ୧୯ରୁ ୨୫ ଯାଏ ବିଏମଆଇ ସ୍ୱାଭାବିକ, ୩୦ ହେଲେ ମେଦବହୁଳତା ଧରାଯିବ । ଓଜନ, ବିଏମଆଇ ପ୍ରଦାନ କାର୍ଯ୍ୟ ଜୁଲାଇ ୩୦ ମଧ୍ୟରେ ଶେଷ କରାଯିବ । ୩ ମାସ ପରେ ନଭେମ୍ବର ମାସରେ ପୁଣି ସମସ୍ତଙ୍କ ଓଜନ ନିଆଯିବ । ସେମାନେ ଓଜନ କମାଇବାକୁ କେତେ ଚେଷ୍ଟିତ ତାହା ପରଖାଯିବ । ଯାହାର ବିଏମଆଇ ୩୦ ଉପରେ ଥିବ ସେମାନେ ବାଧ୍ୟତାମୂଳକ ବ୍ୟାୟାମ କରିବେ । ବାଧ୍ୟତାମୂଳକ ବ୍ୟାୟାମ ସହ ୬ ସପ୍ତାହ ରିଫ୍ରେସର କୋର୍ସ କରିବେ । ଯେଉଁମାନେ ଆଦେଶକୁ ଗୁରୁତ୍ୱ ଦେବେନି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀ ଷଡ଼ଙ୍ଗୀ କହିଛନ୍ତି ।