ମାର୍ଚ୍ଚରେ ମିଳିବ ଟିକା!
ମାର୍ଚ୍ଚରେ ମିଳିବ ଟିକା!
admin
5297
ନୂଆଦିଲ୍ଲୀ: ଆସନ୍ତା ଡିସେମ୍ବର ସୁଦ୍ଧା ଭାରତକୁ ୬-୭ କୋଟି ଡୋଜ ଅଷ୍ଟ୍ରାଜେନେକା ଅକ୍ଟଫୋର୍ଡ ଟିକା ‘କୋଭାସିଲ୍ଡ’ ମିଳିଯିବବ । କିନ୍ତୁ ଆସନ୍ତା ବର୍ଷ (୨୦୨୧) ମାର୍ଚ୍ଚରେ ଏହି ଟିକା ସାଧାରଣ ଲୋକଙ୍କ ପାଇଁ ବଜାରରେ ଉପଲବ୍ଧ ହେବ ବୋଲି ପୁନେର ସେରମ ଇନଷ୍ଟିଚୁ୍ୟଟ ଅଫ ଇଣ୍ଡିଆ (ସିଆଇଆଇ) ଦାବି କରିଛି । ସ୍ୱେଚ୍ଛାସେବୀ ସଂଗଠନ ହିଲ ଫାଉଣ୍ଡେସନ ପକ୍ଷରୁ ରବିବାର ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଏସଆଇଆଇ କାର୍ଯ୍ୟକାରୀ ନିଦେ୍ର୍ଧଶକ ଡକ୍ଟର ସୁରେଶ ଯାଦବ କହିଛନ୍ତି ଯେ ଡିସେମ୍ବରରୁ ମାର୍ଚ୍ଚ ମଧ୍ୟରେ ଲାଇସେନ୍ସ ପ୍ରକି୍ରୟା ସମୟ ରହିବ । ବର୍ତ୍ତମାନ ଏସଆଇଆଇରେ କୋଭିସିଲ୍ଡର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ମାନବ ପରୀକ୍ଷା ଚାଲିଛି । ଭାରତ ଟିକା ଆଣିବା କମ୍ପାନୀ ଟିକା ବିକଶିତ ଦୌଡ଼ରେ ଅଉନ୍ତି । ଡ୍ରଗ୍ସ କଣ୍ଟ୍ରୋଲର ଜେନେରାଲ ଅଫ ଇଣ୍ଡିଆ (ଡିସିଜିଆଇ) ଅନୁମୋଦନ ପ୍ରକି୍ରୟାକୁ ତ୍ୱରାନ୍ୱିତ କରିଛି । ତେଣୁ ସବୁ ଠିକ୍ ଭାବେ ଚାଲିଲେ ମାର୍ଚ୍ଚ ସୁଦ୍ଧା ଲୋକଙ୍କୁ ଟିକା ପ୍ରଦାନ କରାଯିବା ପ୍ରକ୍ରିୟା ଆରମ୍ଭ ହୋଇଯିବ । ଏସଆଇଆଇ ହେଉଛି ବିଶ୍ୱର ସର୍ବବୃହତ ଟିକା ପ୍ରସ୍ତୁତ କାରୀ କମ୍ପାନୀ । ଏହି କମ୍ପାନୀ ଉକ୍ତ ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷା କରୁଛି । ତେବେ ପରୀକ୍ଷାରେ ବିଭିନ୍ନ ପ୍ରକାର ଲୋକଙ୍କୁ ସାମିଲ କରିବାକୁ କମ୍ପାନୀ ଚାହୁଁଛି । ଯେପରିକି ବୟସ୍କ କିମ୍ବା ଅନ୍ୟ ସ୍ୱାସ୍ଥ୍ୟଗତ ସମସ୍ୟା ଥିବା ଲୋକଙ୍କ ଭଳି କିଛି ବ୍ୟକ୍ତିଙ୍କ ଠାରେ ଟିକା ପରୀକ୍ଷା କରିବାକୁ ଚାହୁଁଛି । ଏହି ଟିକା ସେମାନଙ୍କ ଶରୀରରେ କ’ଣ ପ୍ରଭାବ ପକାଉଛି ତାହା ଜାଣିବାକୁ ଏସଆଇଆଇ ଆଗ୍ରହ ପ୍ରକାଶ କରିଛି ।
