ମାଟ୍ରିକ ଫର୍ମ ପୂରଣ ଅବଧି ବଢିଲା
ମାଟ୍ରିକ ଫର୍ମ ପୂରଣ ଅବଧି ବଢିଲା
admin
6511
ଭୁବନେଶ୍ୱର: ମାଟି୍ରକ ପରୀକ୍ଷାର୍ଥୀଙ୍କ ପାଇଁ ଖୁସି ଖବର ।ରାଜ୍ୟ ସରକାର ମାଟ୍ରିକ ଫର୍ମ ପୂରଣ ପାଇଁ ଅବଧି ବଢାଇଲେ । ଫେବ୍ରୁଆର ୧୦ ତାରିଖ ମଧ୍ୟରାତ୍ର ପର୍ଯ୍ୟନ୍ତ ଅବଧି ବୃଦ୍ଧି ହୋଇଛି । ପରୀକ୍ଷାର୍ଥୀ ମାନେ କିପରି ଭଲ ଭାବରେ ଫର୍ମ ପୂରଣ କରି ପାରିବେ ସେଥି ପାଇଁ ଅବଧି ବଢାଯାଇଛି । ପୂର୍ବରୁ ଏହି ଅବଧି ଫେବ୍ରୁଆରୀ ୨ ତାରିଖ ପର୍ଯ୍ୟନ୍ତ ଥିଲା । ଏହି ବର୍ଷ ପରୀକ୍ଷାର୍ଥୀ ଭଲରେ ପରୀକ୍ଷା ଦିଅନ୍ତୁ ବୋଲି ରାଜ୍ୟ ସରକାର ଏହି ପଦକ୍ଷେପ ନେଇଛନ୍ତି । ହାଇସ୍କୁଲ, ଓପନ ସ୍କୁଲ , ଧନ୍ଦାମୂଳକ ଶିକ୍ଷା ଫର୍ମ ଅବଧି ବୃଦ୍ଧି କରାଯାଇଛି । ଅବଧି ବୃଦ୍ଧି ନେଇ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ସୂଚନା ମିଳିଛି । ପୂର୍ବରୁ ଫେବ୍ରୁଆରୀ ୨ ଯାଏଁ ଥିଲା ଏବେ ଫେବ୍ରୁଆରୀ ୧୦ ଯାଏ ବଢିଛି ।
ଜାନୁଆରି ୮ ତାରିଖରୁ ସରକାର ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କ ପାଠ ପଢା ଆରମ୍ଭ କରିଛନ୍ତି । ସେହିଭଳି ୯ମ ଓ ଏକାଦଶ ଶ୍ରେଣୀ ପିଲାମାନେ ଫେବ୍ରୁଆରି ୮ ତାରିଖରୁ ଅଫଲାଇନ୍ରେ କ୍ଲାସ କରିବେ। ବୋର୍ଡ ପରୀକ୍ଷାକୁ ଦୃଷ୍ଟିରେ ରଖି ସରକାର ସ୍କୁଲ ଖୋଲିବା ନିଷ୍ପତ୍ତି ନେଇଥିଲେ । କୋଭିଡ ଗାଇଡଲାଇନ ଅନୁସାରେ ସ୍କୁଲରେ ପାଠପଢା ହେଉଛି ।
