ମହାରାଷ୍ଟ୍ରରେ ବିଜେପିକୁ ଶକ୍ତ ଝଟକା
ମହାରାଷ୍ଟ୍ରରେ ବିଜେପିକୁ ଶକ୍ତ ଝଟକା
admin
6450
ମୁମ୍ବାଇ: ମହାରାଷ୍ଟ୍ରରେ ବିଜେପିକୁ ଶକ୍ତ ଝଟକା ଲାଗିଛି । ମହାରାଷ୍ଟ୍ରରେ ୬ ଆସରେ ହୋଇଥିବା ବିଧାନ ପରିଷଦ ନିର୍ବାଚନରେ ବିଜେପି ମାତ୍ର ଗୋଟିଏ ଆସନ ପାଇଛି । ଶାସକ ଶିବସେନା-ଏନସିପି-କଂଗ୍ରେସ ମେଣ୍ଟ ତଥା ଏମଭିଏ (ମହାବିକାଶ-ଅଗାଡ଼ି) ୪ଟି ଆସନରେ ଜିତିଥିବା ବେଳେ ଜଣେ ସ୍ୱାଧୀନ ପ୍ରାର୍ଥୀ ଅନ୍ୟ ଏକ ଆସନରେ ଜିତିଛନ୍ତି । ତେବେ ଶିବସେନାର ମେଣ୍ଟ ସହଯୋଗୀ ୪ଟି ଆସନରେ ଜିତିଥିଲେ ମଧ୍ୟ ଶିବସେନା କୌଣସି ଆସନ ପାଇନାହିଁ । ଶିବସେନାର ଏକମାତ୍ର ପ୍ରାର୍ଥୀ ଅମରାବତୀରେ ନିର୍ବାଚନ ହାରିଛନ୍ତି । ବିଜେପି କେବଳ ଧୁଲେ ନନ୍ଦୁରବାର ଆସନରେ ଉପନିର୍ବାଚନ ଜିତିଛି । ପୂର୍ବରୁ ବିଜେପିର ଯେଉଁ ଅଞ୍ଚଳରେ ଦଖଲ ଥିଲା ବିଜେପି ସେହି ଅଞ୍ଚଳରେ ମଧ୍ୟ ହାରି ଯାଇଛି । ବିଜେପିର ସବୁଠୁ ବଡ଼ ପରାଜୟ ହେଉଚି ନାଗପୁର ଆସନ । ଏବେ ଏହା କଂଗ୍ରେସ ଦଖଲକୁ ଯାଇଛି । ନାଗପୁର ଆସନକୁ ପୂର୍ବରୁ କେନ୍ଦ୍ର ମନ୍ତ୍ରୀ ନୀତୀନ ଗଡ଼କରୀ ଏବଂ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସ ପ୍ରତିନିଧିତ୍ୱ କରୁଥିଲେ । ଗଡ଼କାରୀ ପ୍ରଥମେ ୧୯୮୯ ରେ ଏଠାରେ ନିର୍ବାଚନ ଜିତିଥିଲେ । ୨୦୧୪ ଲୋକସଭା ନିର୍ବାଚନ ଲଢ଼ିବା ପୂର୍ବରୁ ସେ ୪ ଥର ନାଗପୁରରୁ ଜିତିଥିଲେ । ପୁନେରେ ମଧ୍ୟ ବିଜେପି ଜୋରଦାର ପ୍ରଚାର କରିଥିଲା । କିନ୍ତୁ ବିଜେପିର ଗଣିତ ଭୁଲ ହୋଇଯାଇଛି । ଶରଦ ପାୱାରଙ୍କ ଏନସିପି ୱରଙ୍ଗାବାଦ ଏବଂ ପୁନେ ଗ୍ରାଜୁଏଟସ ନିର୍ବାଚନମଣ୍ଡଳୀରୁ ନିର୍ବାଚନ ଜିତିଛି । ଗତ ମଙ୍ଗଳବାର ହୋଇଥିବା ଏହି ନିର୍ବାଚନ ଉଭୟ ବିଜେପି ଓ ଏମଭିଏ ପାଇଁ ଏକ ସମ୍ମାନର ପ୍ରସଙ୍ଗ ଥିଲା ।
