ବାଙ୍କି ଡବଲ ମର୍ଡର ଘଟଣାର ତଦନ୍ତ ନେଇ କଂଗ୍ରେସ ପକ୍ଷରୁ ବନ୍ଦ ଡାକରା
ବାଙ୍କି ଡବଲ ମର୍ଡର ଘଟଣାର ତଦନ୍ତ ନେଇ କଂଗ୍ରେସ ପକ୍ଷରୁ ବନ୍ଦ ଡାକରା
admin
4232
ବାଙ୍କି ଡବଲ ମର୍ଡର ଘଟଣାରେ ଆଜି ଜିଲ୍ଲା କଂଗ୍ରେସ ପକ୍ଷରୁ ବାଙ୍କି ବନ୍ଦ ଡାକରା ଦିଆଯାଇଛି । ଦୁଇଟି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତକୁ ଗିରଫ ଓ କ୍ରାଇମବ୍ରାଂଚ ତଦନ୍ତ ଦାବି କରି ୧୨ ଘଂଟିଆ ବାଙ୍କି ବନ୍ଦ ଡାକରା ଦିଆଯାଇଛି । ବାଙ୍କୀର ବିଭିନ୍ନ ଛକରେ ଟାୟାର ଜାଳି ରାସ୍ତା ଅବରୋଧ କରାଯାଇଛି। ସେହିପରି କଂଗ୍ରେସ କର୍ମୀ ପିକେଟିଂ କରି ଦୋକାନ ବଜାର ବନ୍ଦ କରିବା ସହ ସରକାରୀ କାର୍ୟ୍ୟାଳୟ ମଧ୍ୟ ବନ୍ଦ କରିବେ ବୋଲି କହିଛନ୍ତି । ଫେବୃୟାରୀ ୧୫ ତାରିଖରେ ବାଙ୍କି ଅଂଚଳରେ ଡବଲ ମର୍ଡର ଚାଂଚଲ୍ୟ ଖେଳାଇ ଦେଇଥିଲା । ସେହି ଘଟଣାର ତଦନ୍ତ ନେଇ ଆଜି କଂଗ୍ରେସ ପକ୍ଷରୁ ବନ୍ଦ ଡାକରା ଦିଆଯାଇଛି ।
ସୂଚନା ମୁତାବକ, ଯୋକଲାଂଜି ଠାରେ ସରପଂଚଙ୍କ ସ୍ୱାମୀ ଓ ତାଙ୍କ ସହଯୋଗୀଙ୍କୁ ଅତି ନିର୍ମମ ଭାବେ ହତ୍ୟା କରିଥିଲେ ଦୁବୃର୍ତ । ଅପରାହ୍ଣ ପ୍ରାୟ ୨ଟା ୩୦ରେ ପଂଚାୟତ କାର୍ୟ୍ୟ ସାରି ବାଇକରେ ଘରକୁ ଫେରୁଥିଲେ ଭଗବାନ ସ୍ୱାଇଁ ଓ ତାଙ୍କ ସହଯୋଗୀ ଆଦିତ୍ୟ ରଣସିଂ । ୧୫ ଜଣ ଦୁବୃର୍ତ ଯୋକଲାଂଜି ଠାରେ ସଂଘବଦ୍ଧ ଭାବେ ଗୋଡ଼ାଇ ଗୋଡ଼ାଇ ହାଣିଥିଲେ । ଗୁରୁତର ଅବସ୍ଥାରେ ବାଙ୍କି ହସପିଟାଲକୁ ନିଆଯାଉଥିବା ବେଳେ ଆଦିତ୍ୟ ରଣସିଂ ପ୍ରାଣ ହରାଇଥିଲେ ।
ସେହିପରି କଟକ ବଡ଼ ମେଡିକାଲ ଯିବା ବାଟରେ ପ୍ରାଣ ହରାଇଥିଲା ଭଗବାନ ସ୍ୱାଇଁ । ଏହି ଘଟଣାର କ୍ରାଇମବ୍ରାଂଚ ତଦନ୍ତ ଦାବି ସହ ମୁଖ୍ୟ ଅଭିଯୁକ୍ତଙ୍କୁ ଗିରଫ ଦାବିରେ ଜିଲ୍ଲା କଂଗ୍ରେସ ପକ୍ଷରୁ ୧୨ ଘଂଟିଆ ବାଙ୍କୀ ବନ୍ଦ ଡାକରା ଦିଆଯାଇଛି ।
