ବାଣ ବିସ୍ଫୋରଣ : ମୃତକଙ୍କ ସଂଖ୍ୟା ୫ରେ ପହଞ୍ଚିଲା
admin
ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ଭୁଷଣ୍ଡପୁର ଗ୍ରାମରେ ବାଣ ବିସ୍ଫୋରଣରେ ମୃତକଙ୍କ ସଂଖ୍ୟା ୫ରେ ପହଞ୍ଚିଛି। ଘଟଣାସ୍ଥଳରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଏସସିବିରେ ଚିକିତ୍ସାଧୀନ ଅବସ୍ଥାରେ ଆଉ ଜଣଙ୍କର ମୃତ୍ୟୁ ଘଟିଛି। ଚିକିତ୍ସାଧୀନ ଅବସ୍ଥାରେ ଦୋଳଗୋବିନ୍ଦ ବେହେରାଙ୍କ ମୃତ୍ୟୁ ଘଟିଛି।
ଟାଙ୍ଗୀ ନିକଟସ୍ଥ ଭୁଷଣ୍ଡପୁର ଗ୍ରାମରେ ବାଣ ବିସ୍ଫୋରଣରେ ଘଟଣା ସ୍ଥଳରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଗୁରୁତର ଆହତ ହୋଇ କଟକ-ଭୁବନେଶ୍ୱର ମେଡିକାଲରେ ଚିକିତ୍ସିତ ହୋଇଥିଲେ । ଏହି ଆହତ ମାନଙ୍କ ମଧ୍ୟରେ ୩ ଜଣଙ୍କ ଅବସ୍ଥା ଉଦ୍-ବେଗଜନକ ଥିଲା । ଘଟଣାସ୍ଥଳରେ ଭୁଷଣ୍ଡପୁର ବାଦୁରାବୁରର ବୃନ୍ଦାବନ ସାହୁ, ମଙ୍ଗଳାସାହିର ନିରଞ୍ଜନ ବେହେରା , ବଡସାହିର ବରଜୁ ବେହେରା , ପାଣ୍ଡବ ପାଟଣାର ସହଦେବ ବେହେରା ମୃତ୍ୟୁ ଘଟିଥିଲା। ଏସସିବିରେ ଚିକିତ୍ସାଧୀନ ଅବସ୍ଥାରେ ଦୋଳ ଗୋବିନ୍ଦଙ୍କ ମୃତ୍ୟୁ ହୋଇଥିଲା।
ଭୁଷଣ୍ଡପୁର ସ୍ଥିତ ଚିଲିକା କୂଳରେ ଥିବା ଏକ ନିଛାଟିଆ ଘରେ ୮ ଜଣ ଲୋକ ବାଣ ପ୍ରସ୍ତୁତ କରୁଥିଲେ ହେଲେ ହଠାତ୍ ତାହା ବିସ୍ଫୋରଣ ଘଟିଥିଲା ।
