ପୂର୍ବତନ ବାଲିଆ ସରଂପଚ ତଥା ବିଶିଷ୍ଟ ସମାଜସେବୀଙ୍କ ବିୟୋଗ
ପୂର୍ବତନ ବାଲିଆ ସରଂପଚ ତଥା ବିଶିଷ୍ଟ ସମାଜସେବୀଙ୍କ ବିୟୋଗ
admin
5098
ଭୁବନେଶ୍ୱର : ପୂର୍ବତନ ବାଲିଆ ସରଂପଚ ତଥା ବିଶିଷ୍ଟ ସମାଜସେବୀ ଶିଶିର କୁମାର ଦାସଙ୍କର ପରଲୋକ ହୋଇଯାଇଛି । ମୃତୁ୍ୟବେଳକୁ ତାଙ୍କୁ ୭୩ ବର୍ଷ ବୟସ ହୋଇଥିଲା । ଦୀର୍ଘଦିନ ଧରି ସେ ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ ।
ଆଜି ସଂଧ୍ୟା ୭ଟାରେ ତାଙ୍କର ପରଲୋକ ହୋଇଯାଇଛି । କୁଜଙ୍ଗ ବ୍ଲକ ଅନ୍ତର୍ଗତ ବାଲିଆ ପଂଚାୟତ ପାନପଲ୍ଲୀ ଗ୍ରାମରେ ଜନ୍ମିତ ସ୍ୱର୍ଗତ ଦାସ ଜଣେ ପରୋପକାରୀ ଓ ସମାଜସେବୀ ଭାବେ ଆଖପାଖ ଅଂଚଳରେ ବେଶ ପ୍ରତିଷ୍ଠା ଅର୍ଜନ କରିଥିଲେ । ସ୍ୱକୀୟ ପ୍ରତିଷ୍ଠା ଓ ନେତୃତ୍ୱ ଦକ୍ଷତା ପାଇଁ ସେ ୧୯୯୫ରୁ ୨୦୦୫ ପର୍ଯ୍ୟନ୍ତ ଲଗାତର ୨ ଥର ବାଲିଆ ଗ୍ରାମପଂଚାୟତର ସରଂପଚ ଭାବେ ନିର୍ବାଚିତ ହୋଇପାରିଥିଲେ । ତାଙ୍କ ସମୟରେ ଗ୍ରାମ ପଂଚାୟତରେ ଅନେକ ବିକାଶମୂଳକ କାର୍ଯ୍ୟ ହୋଇପାରିଥିଲା । ବିଶେଷକରି ବାଲିଆ ମହିଳା ମହାବିଦ୍ୟାଳୟ ପ୍ରତିଷ୍ଠା କରି ସେ ନାରୀ ଶିକ୍ଷାକୁ ପ୍ରୋତ୍ସାହିତ କରିପାରିଥିଲେ । ତାଙ୍କ ବିୟୋଗରେ କୁଜଙ୍ଗ ତଥା ଜଗତସିଂହପୁର ଜିଲ୍ଲାରେ ଶୋକର ଛାୟା ଖେଳିଯାଇଛି । ବହୁ ବିଶିଷ୍ଟ ବ୍ୟକ୍ତି ତାଙ୍କ ବିୟୋଗରେ ଶୋକ ବ୍ୟକ୍ତ କରିବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି । ସ୍ୱର୍ଗତ ଦାସଙ୍କ ଭଣଜା ମାନସ ଚୌଧୁରୀ ବରିଷ୍ଠ କଂଗ୍ରେସ ନେତା ଭାବେ ପ୍ରତିଷ୍ଠା ଅର୍ଜନ କରିଛନ୍ତି ।
