ନବୀନଙ୍କୁ ପ୍ରଶଂସା କଲେ ମୋଦି
ନବୀନଙ୍କୁ ପ୍ରଶଂସା କଲେ ମୋଦି
admin
5840
ଭୁବନେଶ୍ବର : ଫନି କ୍ଷୟକ୍ଷତି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମୀକ୍ଷା କରିଛନ୍ତି । ଏନେଇ କେନ୍ଦ୍ର ସରକାର ରାଜ୍ୟକୁ ସବୁମତେ ସହାୟତା ଯୋଗାଇଦେବେ ବୋଲି ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି । ସର୍ବୋପରି ଫନିର ମୁକାବିଲା ନେଇ ରାଜ୍ୟ ସରକାର ବହୁ ପଦକ୍ଷେପ ଗ୍ରହଣ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସେ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ କହିଥିଲେଯେ, ଫନିର ମୁକାବିଲା ପାଇଁ ସମସ୍ତେ ଏକାଠି ହୋଇ କାର୍ଯ୍ୟ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ବହୁତ ଭଲ କାମ କରିଛନ୍ତି । କେନ୍ଦ୍ର ସରକାର ଓଡିଶା ପାଇଁ ଆଉ ୧ ହଜାର କୋଟି ମଞ୍ଜୁର କରୁଛନ୍ତି ବୋଲି ମୋଦି କହିଥିଲେ ।
ସେହିପରି କେନ୍ଦ୍ର ସରକାରଙ୍କ ଏକ ଟିମ କ୍ଷୟକ୍ଷତି ଆକଳନ କରିବାକୁ ଆସିବେ । ସେହିପରି ଭାରତ ସରକାର ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଓ ଆହତଙ୍କୁ ୫୦ ହଜାର ଟଙ୍କାର ଅନୁକମ୍ପାମୂଳକ ସହାୟତା ପ୍ରଦାନ କରିବେ ।
ପ୍ରଧାନମନ୍ତ୍ରୀଙ୍କ ସମୀକ୍ଷା ବେଳେ ରାଜ୍ୟପାଳ ଗଣେଶୀ ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
