ପୁରୀରେ ଆରମ୍ଭ ହେଲା ରଥଟଣା
ପୁରୀରେ ଆରମ୍ଭ ହେଲା ରଥଟଣା
admin
1965
ପୁରୀ : ଆରମ୍ଭ ହେଲା ରଥ ଟଣା । ନିର୍ଦ୍ଧାରିତ ସମୟର ବହୁ ପୂର୍ବରୁ ରଥ ଟଣା ଆରମ୍ଭ ହୋଇଛି । ୪ଟାରେ ରଥ ଟଣା ପାଇଁ ସମୟ ନିର୍ଘଣ୍ଟ ହୋଇଥିଲା । ତେବେ ୨ଟା ୧୫ରେ ରଥଟଣା ଆରମ୍ଭ ହୋଇଛି । ଭକ୍ତଙ୍କ ସବୁ ଅପେକ୍ଷାର ଅନ୍ତ ଘଟିଲା। ପୁରୀରେ ରଥରେ ବସି ଶ୍ରୀଗୁଣ୍ଡିଚା ଅଭିମୁଖେ ଯାତ୍ରା ଆରମ୍ଭ କଲେ ଶ୍ରୀଜିଉ। ପ୍ରଥମେ ଗଡ଼ିଛି ପ୍ରଭୁ ବଳଭଦ୍ରଙ୍କ ତାଳଧ୍ୱଜ ରଥ । ଲକ୍ଷାଧିକ ଶ୍ରଦ୍ଧାଳୁ ଗୁଣ୍ଡିଚା ମନ୍ଦିରକୁ ଆଡ଼କୁ ଟାଣି ନେଉଛନ୍ତି ରଥକୁ । ହରି ବୋଲ, ଜୟ ଜଗନ୍ନାଥ ଧ୍ୱନୀରେ ଉଠୁଛି ପଡ଼ୁଛି ଗଗନ ପବନ । ରଥ ଉପରେ ବସିଥିବା ସେବାୟତମାନେ ମଧ୍ୟ ଶଙ୍ଖ ଓ ଘଣ୍ଟ ବଜାଇ ଭକ୍ତଙ୍କୁ ଉତଫୁଲ୍ଲିତ କରୁଛନ୍ତି ।
ପୂର୍ବରୁ ବଡ଼ଠାକୁର ବଳଭଦ୍ର, କାଳିଆ ଠାକୁରଙ୍କ ପରେ ଭଉଣୀ ସୁଭଦ୍ରାଙ୍କ ରଥରେ ଛେରାପହଁରା ଶେଷ କରିଥିଲେ ଗଜପତି ମହାରାଜ। ତିନିରଥରେ ରଥାରୂଢ ତିନିଠାକୁର । ପହଣ୍ଡି ସରିବା ପରେ ଛେରା ପହଁରା ନୀତିକାନ୍ତି ସଂପନ୍ନ ହୋଇଥିଲା । ତେବେ ଗଜପତି ମହାରାଜଙ୍କ ଛେରାପହଁରା ପରେ ମାଉସୀ ମା ଅଭିମୁଖେ ଯାତ୍ରା କରିଛି ତିନିରଥ ।
