ପୁଅ ସମ୍ମୁଖରେ ବାପାକୁ ଦଳିଦେଲା ହାତୀ
ପୁଅ ସମ୍ମୁଖରେ ବାପାକୁ ଦଳିଦେଲା ହାତୀ
admin
2986
ପରଜଙ୍ଗ: ପୁଅ ସମ୍ମୁଖରେ ବାପାକୁ ହାତୀ ଦଳି ମାରିଦେଇଛି । ଏଭଳି ଏକ ଅଭାବନୀୟ ଘଟଣା ଘଟିଛି ପରଜଙ୍ଗ ବ୍ଲକ କନ୍ଦରସିଂହା ପଞ୍ଚାୟତ ମଝିକାସାହି ରାସ୍ତାରେ । ମୃତକ ହେଲେ ମଝିକାସାହି ବାସିନ୍ଦା ନିରଞ୍ଜନ ସ୍ୱାଇ (୪୫) । ସୂଚନା ଅନୁସାରେ ପିତିରି ଗ୍ରାମ ପଞ୍ଚାୟତ ଖଇରାମୁଣ୍ଡାର ମୂଳବାସିନ୍ଦା ନିରଞ୍ଜନ କିଛି ବର୍ଷ ହେଲା କନ୍ଦରସିଂହା ମଝିକାସାହିର ସପରିବାର ରହି ଆସୁଥିଲେ । ସନ୍ଧ୍ୟାରେ ନିରଞ୍ଜନ ଓ ତାଙ୍କ ୧୨ ବର୍ଷର ପୁଅ ନଗେନ ଧାନ ପେଷାଇବାକୁ କନ୍ଦରସିଂହା ଯାଇଥିଲେ । ସନ୍ଧ୍ୟା ପ୍ରାୟ ୭ଟା ରେ ସେଠାରୁ ସେମାନେ ବାହାରି ମଝିକାସାହିକୁ ସାଇକେଲରେ ଚାଉଳ ଧରି ଫେରୁଥିବା ବେଳେ ରାସ୍ତାରେ ହାତୀ ହାବୁଡ଼ରେ ପଡିଥିଲେ । କେହି କିଛି ବୁଝିବା ପୂର୍ବରୁ ହାତୀଟି ନିରଞ୍ଜନଙ୍କୁ ଦଳି ମାରିଦେଇଥିଲା । ତାଙ୍କ ପୁଅ ଜୀବନ ବିକଳରେ ଘଟଣା ସ୍ଥଳରୁ ଦୌଡ଼ି ପଳାଇ ଯାଇ ସମସ୍ତ ଘଟଣା ଜଣାଇଥିଲା । ପରେ ଗ୍ରାମବାସୀ ହାସିବା ବେଳକୁ ହାତୀଟି ସେଠାରୁ ପଳାଇ ଯାଇଥିଲା । ନିରଞ୍ଜନଙ୍କ ମୃତୁ୍ୟ ମଧ୍ୟ ହୋଇସାରିଥିଲା । ଏ ସମ୍ପର୍କରେ ଗ୍ରାମବାସୀ ଅବଗତ କରାଇବା ପରେ ମହାବିରୋଡ ରେଞ୍ଜର ସୁବ୍ରତ କୁମାର ବେହେରା ସଦଳବଳେ ପହଞ୍ଚି ତଦନ୍ତ କରିଥିଲେ । ରାତି ସାଢେ଼ ୯ଟା ସୁଦ୍ଧା ଶବ ଘଟଣା ସ୍ଥଳରେ ପଡି ରହିଥିବା ବେଳେ ବନ ବିଭାଗ ଅଧିକାରୀମାନେ ପହଞ୍ଚି ବୁଝାସୁଝା ଜାରି ରଖିଥିଲେ ।
