ପାଣି ପିଇବାର ଆବଶ୍ୟକତା ବିଷୟରେ ଆସନ୍ତୁ ଜାଣିବା
ପାଣି ପିଇବାର ଆବଶ୍ୟକତା ବିଷୟରେ ଆସନ୍ତୁ ଜାଣିବା
admin
4209
ନିକଟରେ ମୁମ୍ବାଇ ସରକାର ସେଠାକାର ସମସ୍ତ ବିଦ୍ୟାଳୟରେ ଏକ ସ୍ୱତନ୍ତ୍ର ‘ୱାଟର ବେଲ୍’ର ନିୟମ ଜାରି କରିଛି । ଏହି ୱାଟର ବେଲ ପଛର ରହସ୍ୟ ହେଲା ଛାତ୍ରଛାତ୍ରୀଙ୍କ ନିମନ୍ତେ ବିଦ୍ୟାଳୟ ପରିସରରେ ଏକ ବିଶେଷ ଘଣ୍ଟ ବଜାଗଲେ, ସେମାନେ ସେଇ ସମୟରେ ପାଣି ପିଇବେ । ପ୍ରଥମ ଥର ଭାରତର ଏକ ରାଜ୍ୟରେ ଏଭଳି ପଦକ୍ଷେପ ନିଆଯାଇଛି । ସ୍ଥାନୀୟ ସରକାର ଛାତ୍ରଛାତ୍ରୀଙ୍କ ଉତ୍ତମ ଭବିଷ୍ୟତକୁ ଲକ୍ଷ୍ୟରେ ରଖି ଏହି କାର୍ଯ୍ୟ କରିଥିବାର ପ୍ରକାଶ । କିଛି ମାସ ତଳେ ମୁମ୍ବାଇର ୩୩ଟି ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ଏକ ସର୍ବେକ୍ଷଣ କରାଯାଇଥିଲା । ପାଠପଢ଼ା, ଖେଳକୁଦ ପ୍ରତି ଧ୍ୟାନ ଦିଆଯାଉଥିବା ବେଳେ ପିଲାଙ୍କ ପାଣି ପିଇବା ବାବଦାୀ ଅଭିଭାବକ ଆଦୌ ସଚେତନ ନୁହେଁ । ଯାହା କାରଣରୁ ବିଭିନ୍ନ ପ୍ରକାର ଜଳାଭାବ ରୋଗରେ ପିଲାମାନେ ଆକ୍ରାନ୍ତ ହେଉଛନ୍ତି ଓ ସେମାନଙ୍କ ଶାରୀରିକ ବିକାଶ ମଧ୍ୟ ଠିକ୍ ଭାବେ ହେଉନାହିଁ । ଶ୍ରେଣୀ ଗୃହରେ ଶିକ୍ଷକ, ଶିକ୍ଷୟିତ୍ରୀ ମଧ୍ୟ ଛାତ୍ରଛାତ୍ରୀଙ୍କୁ ପାଣି ପିଇବା ସମ୍ପର୍କରେ ସଚେତନ କରାଇବେ । ଶରୀରରେ ଜଳସ୍ତର ଠିକ୍ ରହିଲେ ମନ ସ୍ଥିର ରହିବା ସହ ସ୍ମୃତି ଶକ୍ତି ବଢେ଼ ବୋଲି ବିଶେଷଜ୍ଞଙ୍କ ମତ । ୨୦୧୨ରେ ହୋଇଥିବା ଅନୁଧ୍ୟାନରୁ ଜଣାପଡ଼ିଛି ଯେ ୭୫ ବର୍ଷରୁ ଅଧିକ ବୟସ୍କ ଲୋକ ନିୟମିତ ଭାବେ ଠିକ୍ରେ ପାଣି ନ ପିଇବା କାରଣରୁ ହୃଦରୋଗରେ ଆକ୍ରାନ୍ତ ହେଉଛନ୍ତି । ଆବଶ୍ୟକ ପରିମାଣରେ ପାଣି ପିଇଲେ ମାନସିକ ଅସୁବିଧା ଉପୁଜେ ନାହିଁ, ଚିଡଚିଡା ଲାଗି ନଥାଏ ଏହା ସହ ହୃଦଯନ୍ତ୍ର ଓ ମସ୍ତିଷ୍କ ମଧ୍ୟ ସୁସ୍ଥ ରହେ । ଜଣେ ବ୍ୟକ୍ତି ଦିନକୁ ଅତିକମରେ ୭-୮ ଗିଲାସ ପାଣି ପିଇବା ଉଚିତ ।
ବିଶେଷଜ୍ଞଙ୍କ ମତରେ ଆପଣ ଯଦି ପାଣି ପିଇବାରେ ଅଭ୍ୟସ୍ତ ନୁହନ୍ତି, ଏଭଳି ପରିସ୍ଥିତିରେ ଲେମ୍ବୁ ପାଣି, କିମ୍ବା ପାଣିରେ କମଳା ରସ, ପୋଦିନା ରସ ପିଇଲେ ତାହା ସ୍ୱାସ୍ଥ୍ୟ ଉପରେ ଉତ୍ତମ ପ୍ରଭାବ ପକାଇଥାଏ ।
