ପାଣି ପାଇଁ ଜାତୀୟ ରାଜପଥ ଅବରୋଧ
ପାଣି ପାଇଁ ଜାତୀୟ ରାଜପଥ ଅବରୋଧ
admin
4659
ଢ଼େଙ୍କାନାଳ : ପାଣି ପାଇଁ ରାସ୍ତାରୋକ । ଢ଼େଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ରଙ୍ଗମାଟିଆ ଓ ବନ୍ୟାସାହିର ଲୋକମାନେ ପାଣି ପାଇଁ ୫୩ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି । ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଥିବାବେଳେ ପାଇପରେ ପାଣି ନଆସିବାରୁ ମହିଳାମାନେ ଗରା, ବାଲଟି ଧରି ରାସ୍ତା ଅବରୋଧ କରିଛନ୍ତି । ରାସ୍ତା ଅବରୋଧ କାରଣରୁ ଯାଜପୁର- ଭୁବନ- କାମାକ୍ଷାନଗର- ତାଳଚେର- ଅନୁଗୁଳ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି ।ଉୟୟ ଗାଁରେ ୧୭୦ ପରିବାର ବସବାସ କରୁଛନ୍ତି । ଗାଁକୁ ପାଇପ୍ ପାଣି ଯୋଗାଇ ଦିଆଯାଇଥିଲା କିନ୍ତୁ ଜାତୀୟ ରାଜପଥ ସମ୍ପ୍ରସାରଣ ହେଉଥିବା କାରଣରୁ ଠିକା କମ୍ପାନୀ ତରଫରୁ ରାସ୍ତାକାମ କରିବା ଦ୍ୱାରା ପାଇପ୍ ବିଛିନ୍ନ ହୋଇଯାଇଛି । ଯାହା ଫଳରେ ଆଉ ପାଣି ଯାଇପାରୁନାହିଁ ।
