ପାଟନାରେ ବିଜେପି ମୁଖପାତ୍ରଙ୍କୁ ଗୁଳିମାଡ଼
ପାଟନାରେ ବିଜେପି ମୁଖପାତ୍ରଙ୍କୁ ଗୁଳିମାଡ଼
admin
5167
ପାଟନା: ବୁଧବାର ମୁଙ୍ଗେରସ୍ଥିତ ଇଭନିଂ କଲେଜ ନିକଟରେ ଦୁର୍ବୃତ୍ତମାନେ ବିଜେପି ମୁଖପାତ୍ର ଡା. ଅଜଫର ଶାମ୍ସୀଙ୍କୁ ଗୁଳିମାଡ଼ କରିଛନ୍ତି। ଅଜଫରଙ୍କ ଜଙ୍ଘରେ ଗୁଳି ବାଜିଥିବାବେଳେ ତାଙ୍କୁ ଗୁରୁତର ଅବସ୍ଥାରେ ସଦର ହସ୍ପିଟାଲରେ ଭର୍ତ୍ତି କରାଯାଇଛି। ଅଜଫର ଇଭନିଂ କଲେଜରେ ପ୍ରଫେସର ମଧ୍ୟ ଅଛନ୍ତି। ଆଜି ସେ ନିଜ କାରରୁ ଓହ୍ଲାଇ କଲେଜ ପରିସରକୁ ବାହାରୁଥିବାବେଳେ ଦୁର୍ବୃତ୍ତମାନେ ଗୁଳିମାଡ଼ କରିଥିଲେ। ଫଳରେ ଗୁରୁତର ଅବସ୍ଥାରେ ସେ ତଳେ ପଡ଼ିଯାଇଥିଲେ। ତେବେ ଅପରାଧୀମାନେ ଅଜଫରଙ୍କୁ ଆକ୍ରମଣ କରିବା ଲାଗି ପୂର୍ବରୁ ଘଟଣାସ୍ଥଳରେ ଛକି ରହିଥିଲେ। ଏହି ଘଟଣା ପଛରେ ରାଜନୈତିକ ଶତ୍ରୁତା କି ଅନ୍ୟ କ’ଣ କାରଣ ରହିଛି ତାହାର ଖୋଳତାଡ଼ କରୁଛି ପୁଲିସ। ସ୍ପଷ୍ଟ ଦିବାଲୋକରେ ବିଜେପିର ଜଣେ ବରିଷ୍ଠ ନେତାଙ୍କୁ ଗୁଳିମାଡ଼ ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।
