ନୟାଗଡରେ କରୋନାରେ ଆକ୍ରାନ୍ତ ହେଲେ ନର୍ସ ।
ନୟାଗଡରେ କରୋନାରେ ଆକ୍ରାନ୍ତ ହେଲେ ନର୍ସ ।
admin
2769
ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ଷ୍ଟାଫ ନର୍ସ କରୋନା ସଂକ୍ରମିତ ହୋଇଛନ୍ତି । ପରୀକ୍ଷଣରୁ ସେ ପଜିଟିଭ ଥିବା ଜଣାପଡ଼ିଛି । ଏନେଇ ନୟାଗଡ଼ ସିଡ଼ିଏମଓ ସୂଚନା ପ୍ରଦାନ କରିଛନ୍ତି । ନର୍ସ ଜଣକ କରୋନାରେ ଆକ୍ରାନ୍ତ ହେବା ପରେ ଏବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଏକ ଭୟର ବାତାବରଣ ସୃଷ୍ଟି ହୋଇଛି । ସଂପୃକ୍ତ ନର୍ସ ଜଣଙ୍କ କେଉଁ କେଉଁ ରୋଗୀଙ୍କ ଚିକିତ୍ସା ଦାୟିତ୍ୱରେ ଥିଲେ, ସେ କାହା କାହା ସହ ମିଶିଥିଲେ ସେନେଇ ତନାଘନା ଆରମ୍ଭ ହୋଇଯାଇଛି । ଅପରପକ୍ଷରେ ସଂପୃକ୍ତ ଷ୍ଟାପଙ୍କୁ ଭୁବନେଶ୍ୱର ସ୍ତାନାନ୍ତରିତ କରାଯାଇଛି ବୋଲି ସିଡ଼ିଏମଓ ସୂଚନା ଦେଇଛନ୍ତି । ସେହିପରି ହସପିଟାଲକୁ ସମ୍ପୂର୍ଣ୍ଣ ଭାବେ ସାନିଟାଇଜ କରାଯାଇଛି ।
ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୩୮୮ରେ ପହଁଚିଛି । ଅପରପକ୍ଷରେ ୧୩୨୫ ଜଣ ସୁସ୍ଥ ହୋଇଥିବାବେଳେ ୧୦୫୪ ଜଣ ବିଭିନ୍ନ କୋଭିଡ଼ ହସପିଟାଲରେ ଚିକିତ୍ସିତ ହେଉଛନ୍ତି । ସେହିପରି ୭ ଜଣ କରୋନାରେ ମୃତୁ୍ୟବରଣ କରିଥିବାବେଳେ ଅନ୍ୟ ରୋଗରେ ପୀଡ଼ିତ ହୋଇ ୨ ଆକ୍ରାନ୍ତ ମୃତୁ୍ୟବରଣ କରିଛନ୍ତି ।ନୟାଗଡ଼ରେ ୬୯ କରୋନା ସଂକ୍ରମିତ ହୋଇଛନ୍ତି ।
