କେରଳରେ ଗର୍ଭବତୀ ହାତୀ ମୃତ୍ୟୁ ଘଟଣା,ଦୋଷୀଙ୍କ ବିରୋଧରେ କଡ଼ା କାର୍ୟ୍ୟାନୁଷ୍ଠାନ ଦାବି ।
କେରଳରେ ଗର୍ଭବତୀ ହାତୀ ମୃତ୍ୟୁ ଘଟଣା,ଦୋଷୀଙ୍କ ବିରୋଧରେ କଡ଼ା କାର୍ୟ୍ୟାନୁଷ୍ଠାନ ଦାବି ।
admin
4159
କେରଳର ମଲ୍ଲାପୁରମ୍ଠାରେ ବାଣଭର୍ତ୍ତି ସପୁରୀ ଖୁଆଇ ଗର୍ଭବତୀ ହାତୀର ଅମାନୁଷିକ ହତ୍ୟା ଘଟଣା ଏବେ ସାରା ଦେଶରେ ଚର୍ଚ୍ଚା ସୃଷ୍ଟି କରିଛି । କ’ଣ ମିଳିଲା ଗୋଟେ (ଗର୍ଭବତୀ) ନୀରିହ ଜୀବକୁ ଅତି ନିର୍ମମ ଭାବେ ହତ୍ୟା କରି ? ତାକୁ ତ ଲାଗୁଥିଲା ଏବେ ବି ମଣିଷପଣିଆ ବଂଚିଛି, କିନ୍ତୁ ତାକୁ ଜଣାନଥିଲା ଯେ ମଣିଷ ତଳ ସ୍ତରରୁ ବି ଆହୁରି ତଳକୁ ଖସିଯାଇଛି । ଏବେ ଏହି ଘଟଣାକୁ ପୂରା ଦେଶରେ ନିନ୍ଦା କରାଯାଉଛି । ଦୋଷୀଙ୍କ ବିରୋଧରେ କଡ଼ା କାର୍ୟ୍ୟାନୁଷ୍ଠାନ ଦାବି ମଧ୍ୟ ହୋଇଛି ।
ସୂଚନା ମୁତାବକ, ଗତ ୨୭ ତାରିଖରେ କିଛି ଲୋକ ସପୁରୀ ଭିତରେ ବାଣ ପୂରାଇ ଗର୍ଭବତୀ ହାତୀକୁ ଖାଇବାକୁ ଦେଇଥିଲେ। ହାତୀଟି ଅତି ଖୁସିରେ ସପୁରୀ ଖାଇବା ମାତ୍ରେ, ପାଟିରେ ବାଣ ଫୁଟିଯାଇଥିଲା। ମଣିଷର ଛଳନାର ଶିକାର ହୋଇ ଅସହ୍ୟ ଯନ୍ତ୍ରଣାରେ ଛଟପଟ ହାତୀ ପ୍ରାଣ ବିକଳରେ ଏକ ନଦୀ ଭିତରକୁ ପଶିଯାଇଥିଲା। ନଦୀରେ ଠିଆ ହୋଇଥିବା ଅବସ୍ଥାରେ ହିଁ ହାତୀଟିର ମୃତ୍ୟୁ ଘଟିଥିବା କୁହାଯାଉଛି।ବନ କର୍ମଚାରୀ ନଦୀ ଭିତରୁ ହାତୀକୁ ମୃତଦେହ ଉଦ୍ଧାର କରିଥିଲେ।
ନୃଶଂସ ମଣିଷର ଏଭଳି ଜଘନ୍ୟ କାଣ୍ଡକୁ ଚାରିଆଡ଼ୁ ନିନ୍ଦା କରାଯାଇଛି। ସୋସିଆଲ ସାଇଟ୍ରେ ଫଟୋ ଓ କାର୍ଟୁନ୍ ଜରିଆରେ ଏହି ଘଟଣାକୁ କଡା ନିନ୍ଦା କରାଯିବା ସହ ଦୋଷୀ ବିରୋଧରେ କଠୋର କାର୍ୟ୍ୟାନୁଷ୍ଠାନ ଗ୍ରହଣ ପାଇଁ ଦାବି ହେଉଛି ।
