ନିର୍ମଳା ସୀତାରମଣ ହେଉଛନ୍ତି ସ୍ୱାଧୀନ ଭାରତର ପ୍ରଥମ ପୂର୍ଣ୍ଣକାଳୀନ ମହିଳା ଅର୍ଥମନ୍ତ୍ରୀ
ନିର୍ମଳା ସୀତାରମଣ ହେଉଛନ୍ତି ସ୍ୱାଧୀନ ଭାରତର ପ୍ରଥମ ପୂର୍ଣ୍ଣକାଳୀନ ମହିଳା ଅର୍ଥମନ୍ତ୍ରୀ
admin
4390
ନୂଆଦିଲ୍ଲୀ: କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣଙ୍କୁ ନେଇ ବଜେଟରେ ଏଥର ବହୁ ଚର୍ଚ୍ଚା ଚାଲିଛି । ସେ ହେଉଛନ୍ତି ସ୍ୱାଧୀନ ଭାରତର ପ୍ରଥମ ପୂର୍ଣ୍ଣକାଳୀନ ମହିଳା ଅର୍ଥମନ୍ତ୍ରୀ । ଆସନ୍ତ୍ୁ ତାଙ୍କ ବିଷୟରେ କିଛି ଜାଣିବା ।
ତାମିଲନାଡୁର ମଦୁରାଇରେ ୧୯୫୯ ଅଗଷ୍ଟ ୧୮ରେ ନିର୍ମଳାଙ୍କ ଜନ୍ମ ହୋଇଥିଲା । ତିରୁଚିରାପଲ୍ଲୀର ସୀତାଲକ୍ଷ୍ମୀ ରାମସ୍ୱାମୀ କଲେଜକରୁ ସ୍ନାତକ ଶିକ୍ଷା ଶେଷ କରିବା ପରେ ସେ ନୂଆଦିଲ୍ଲୀରେ ଜବାହାରଲାଲ ନେହେରୁ ବିଶ୍ୱବିଦ୍ୟାଳୟରେ ଇଟଂରନ୍ୟାସନାଲ ଷ୍ଟଡିଜରେ ଏମ.ଫିଲ ଶିକ୍ଷା ଶେଷ କରିଥିଲେ । ଡକ୍ଟର ପି ପ୍ରଭାକରଙ୍କୁ ବିବାହ କରିବା ପରେ ସେ ଲଣ୍ଡନ ଚାଲିଯାଇଥିଲେ । ସେଠାରେ ପିଡବ୍ଲୁ୍ୟସି ଓ ବିବିସି ୱାର୍ଲଡ ଭଳି ସଂସ୍ଥାରେ କାମ କରିଥିଲେ, ଯାହାକୁ ସେ ସଫଳତାର ସହ ନିର୍ବାହ କରିଛନ୍ତି । ୨୦୦୩ ରେ ସେ ଜାତୀୟ ମହିଳା କମିଶନର ସଦସ୍ୟା ଭାବେ କାମ କରିଥିଲେ । ୨୦୦୬ ରେ ସେ ବିଜେପିରେ ଯୋଗଦେଇ ଜାତୀୟ ପ୍ରବକ୍ତା ଭାବେ କାର୍ଯ୍ୟ କରିଥିଲେ । ୨୦୧୪ ରେ ଆନ୍ଧ୍ରପ୍ରଦେଶରୁ ରାଜ୍ୟସଭା ସଦସ୍ୟ ହେବା ସହ ଅର୍ଥ ଓ କର୍ପୋରେଟ ବ୍ୟାପାରର ରାଷ୍ଟ୍ରମନ୍ତ୍ରୀ ଦାୟିତ୍ୱ ତୁଲାଇଥିଲେ । ୨୦୧୬ ରେ କର୍ଣ୍ଣାଟକରୁ ପୁଣି ରାଜ୍ୟସଭା ଆସିଥିଲେ । ୨୦୧୭ ରେ ତାଙ୍କୁ ଭାରତର ପ୍ରଥମ ପୂର୍ଣ୍ଣକାଳୀନ ପ୍ରତିରକ୍ଷା ମନ୍ତ୍ରୀ ଦାୟିତ୍ୱ ଦିଆଯାଇଥିଲା । ୨୦୧୯ ରେ ସେ ଦେଶର ପ୍ରଥମ ପୂର୍ଣ୍ଣକାଳୀନ ଅର୍ଥମନ୍ତ୍ରୀ ଦାୟିତ୍ୱ ନେଇଥିଲେ ।
