ନିଟ ପରୀକ୍ଷାରେ ବିଫଳ ଛାତ୍ରଙ୍କ ଆତ୍ମହତ୍ୟା!

Oct 19, 2020 - 12:09 Updated: Oct 19, 2020 - 12:09

6518

ବୈତରଣୀରୋଡ: ନିଟ ପରୀକ୍ଷାରେ ଅକୃତକାର୍ଯ୍ୟ ହେବାରୁ ମାନସିକ ଭାରସାମ୍ୟ ହରାଇ ଘରୁ ଚାଲିଯାଇଥିବା ଯାଜପୁରରୋଡ (ଦଳା) ଅଞ୍ଚଳର ବୀରେନ ପଲେଇଙ୍କ ପୁଅ ଡି ସୌରଭ (୨୨) ଙ୍କର ଖଣ୍ଡବିଖଣ୍ଡିତ ମୃତଦେହକୁ ବୈତରଣୀ ରୋଡ ରେଳଷ୍ଟେସନରୁ ଉଦ୍ଧାର କରାଯାଇଛି । ମେଡିକାଲ ପ୍ରବେଶିକା ପରୀକ୍ଷାରେ ଫଳ ଖରାପ ହେବାରୁ ସୌରଭ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ତାଙ୍କ ପରିବାର ଲୋକେ କହିଛନ୍ତି । ପରିବାର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସୌରଭ ନିଟ ପରୀକ୍ଷା ଦେଇଥିଲେ । ମାତ୍ର ଏଥିରେ ଅକୃତକାର୍ଯ୍ୟ ହେବାରୁ ସେ ମାନସିକ ଭାରସାମ୍ୟ ହରାଇ ବସିଥିଲେ । ସେ ଶନିବାରଠାରୁ ସାଇକଲ ନେଇ ଘରୁ କେଉଁଆଡେ଼ ଚାଲିଯାଇଥିଲେ । ପରିବାର ଲୋକେ ବହୁ ଖୋଜାଖୋଜି କରିଥିଲେ ହେଁ ତାଙ୍କର କୌଣସି ପତ୍ତା ପାଇ ନଥିଲେ । ବୋରେଇ ଥାନା ଅନ୍ତର୍ଗତ ବୈତରଣୀ ରୋଡ ରେଳଷ୍ଟେସନ ଦକ୍ଷିଣ କେବିନର ଦୁଇ ଶହ ମିଟର ଦୂରରେ ତାଙ୍କ ମୃତ ଦେହ ପଡ଼ିଥିବା ଦେଖିବାକୁ ମିଳିଥିଲା ।