ଧର୍ମେନ୍ଦ୍ରଙ୍କୁ କରୋନା
ଧର୍ମେନ୍ଦ୍ରଙ୍କୁ କରୋନା
admin
2353
ନୂଆଦିଲ୍ଲୀ : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କରୋନାରେ ଆକ୍ରାନ୍ତ ହୋଇଛନ୍ତି । ଏନେଇ ଟ୍ୱିଟ ଯୋଗେ ସେ ସୂଚନା ଦେଇଛନ୍ତି । କୋଭିଡ଼ ଲକ୍ଷଣ ପ୍ରକାଶ ପାଇବା ପରେ ସେ ନିଜର କୋଭିଡ଼ ପରୀକ୍ଷା କରିଥିଲେ । ତେବେ ରିପୋର୍ଟ ପଜିଟିଭ ଆସିଛି । ଡାକ୍ତରଙ୍କ ପରାମର୍ଶ କ୍ରମେ ସେ ହସପିଟାଲରେ ଭର୍ତି ହୋଇଛନ୍ତି ଓ ସୁସ୍ଥ ଅଛନ୍ତି ବୋଲି କହିଛନ୍ତି ।
ସୂଚନାଯୋଗ୍ୟଯେ, ନିକଟରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କର ପଜିଟିଭ ଆସିଥିଲା । ସେ ମଧ୍ୟ ଚିକିତ୍ସିତ ହେଉଛନ୍ତି । ସେହିପରି ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଉଭୟ ଶାହା ଓ ଧର୍ମେନ୍ଦ୍ର ମଧ୍ୟ ଉପସ୍ଥିତ ଥିଲେ ।
ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧୮ ଲକ୍ଷ ୫୫ ହଜାର ୭୪୫ରେ ପହଁଚିଛି । ସେମାନଙ୍କ ମଧ୍ୟରୁ ୩୮୯୩୮ ଜଣ ମୃତୁ୍ୟବରଣ କରିଛନ୍ତି । ୧୨୩୦୫୦୯ ଜଣ ସୁସ୍ଥ ହୋଇଥିବାବେଳେ ୫୮୬୨୯୮ ଜଣ ଚିକିତ୍ସିତ ହେଉଛନ୍ତି । ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି ତଥ୍ୟ ପ୍ରଦାନ କରାଯାଇଛି ।
