ଜୁଲାଇ ୩୧ ଯାଏ ସ୍କୁଲ, କଲେଜ ବନ୍ଦ
ଜୁଲାଇ ୩୧ ଯାଏ ସ୍କୁଲ, କଲେଜ ବନ୍ଦ
admin
5679
ଭୁବନେଶ୍ୱର: ଯେତେ ଅଧିକ ପ୍ରବାସୀ ଆସିବେ ପଜିଟିଭ ସଂଖ୍ୟା ସେତେ ବଢିବ । ଏହା କହିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କହିଛନ୍ତି । କରୋନା ମୁକାବିଲା ନେଇ ସୋମବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଶ୍ରୀ ତ୍ରିପାଠୀ ଏହା ଏହିଛନ୍ତି ।
ସେ କହିଛନ୍ତି ଯେ, ଜୁନ ମାସ ବହୁତ ଗୁରୁତ୍ୱପୂର୍ଣ୍ଣ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବରୁ କହିଥିଲେ । କରୋନା ସଂକ୍ରମଣ ସାଧାରଣତଃ ଟ୍ରାଭେଲରମାନଙ୍କ ପାଇଁ ହେଉଛି । ସଂକ୍ରମଣ ରୋକିବା ପାଇଁ ଆମେ ସେଥିପ୍ରତି ଅଧିକ ଗୁରୁତ୍ୱ ଦେଉଛୁ । ଗତକାଲି ସୁଦ୍ଧା ରାଜ୍ୟକୁ ମୋଟ ୪,୨୬, ୫୦୪ ପ୍ରବାସୀ ଆସିଛନ୍ତି । ଯେତେ ଅଧିକ ପ୍ରବାସୀ ଆସିବେ ପଜିଟିଭ ସଂଖ୍ୟା ସେତେ ବଢିବ । ଲକଡାଉନ ରବିବାର ସରିଛି । ଆଜି ଠାରୁ ଅନଲକ-୧ ଆରମ୍ଭ ହୋଇଛି । ପଜିଟିଭ ଦୃଷ୍ଟିରେ ରଖି ଆମେ ଗାଇଡ ଲାଇନ କରିବାକୁ ଯାଉଛୁ ।
ଧର୍ମୀୟ ସ୍ଥାନକୁ ପ୍ରବେଶ ମନା:
ଆସନ୍ତା ୩୦ ଜୁନ ଯାଏଁ ଧର୍ମୀୟ ସ୍ଥାନକୁ ସର୍ବସାଧାରଣ ପ୍ରବେଶକୁ ମନା କରାଯାଇଛି । ସପିଙ୍ଗ କମ୍ପ୍ଲେକ୍ସ ମଧ୍ୟ ଜୁନ ୩୦ ଯାଏ ଖୋଲି ପାରିବ ନାହିଁ । ୩୦% କ୍ଷମତାକୁ ନେଇ ହୋଟେଲ ଖୋଲିପାରିବ ବୋଲି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କହିଛନ୍ତି ।
ଜୁଲାଇ ୩୧ ଯାଏ ସ୍କୁଲ, କଲେଜ ବନ୍ଦ:
ସେହିପରି କରୋନା ପଜିଟିଭ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଆସନ୍ତା ଜୁଲାଇ ୩୧ ତାରିଖ ପର୍ଯ୍ୟନ୍ତ ସ୍କୁଲ ଓ କଲେଜ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ସ୍କୁଲ ଓ କଲେଜ ସହ କୋଚିଂ ସେଣ୍ଟର ମଧ୍ୟ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି ।
