ଘରୋଇ ହସ୍ପିଟାଲରେ ଜଣେ ୫୯ ବର୍ଷୀୟା କରୋନା ରୋଗୀଙ୍କୁ ବଳାକ୍ରାର ଉଦ୍ୟମ

Apr 19, 2021 - 10:27 Updated: Apr 19, 2021 - 10:27

4071

ଭୋପାଳ: ମଧ୍ୟପ୍ରଦେଶର ଗୋୱାଲିଅର ସହର ସ୍ଥିତ ଏକ ଘରୋଇ ହସ୍ପିଟାଲରେ ଜଣେ ୫୯ ବର୍ଷୀୟା କରୋନା ରୋଗୀଙ୍କୁ ବଳାକ୍ରାର ଉଦ୍ୟମ କରିବା ଅଭିଯୋଗରେ ସେଠାରେ କାର୍ଯ୍ୟରତ ଜଣେ ୱାର୍ଡ ବୟକୁ ଗିରଫ କରାଯାଇଛି । ପୀଡ଼ିତା ମହିଳାଙ୍କ ପରିବାର ସଦସ୍ୟଙ୍କ ଦ୍ୱାରା କରାଯାଇଥିବା ଅଭିଯୋଗ ଅନୁଯାୟୀ, ଅଭିଯୁକ୍ତ ଜଣକ ଶନିବାର ଅନେକ ଥର ପୀଡ଼ିତାଙ୍କ ସହିତ ଅସଦାଚରଣ କରିଥିଲେ । ଏ ନେଇ ମହିଳା ଜଣକ ନିଜର ପରିବାର ଲୋକଙ୍କୁ ଜଣାଇବା ପରେ ସେମାନେ ହସ୍ପିଟାଲ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ । ମାତ୍ର ହସ୍ପିଟାଲ ମାନେଜମେଣ୍ଟ ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ବଦଳରେ ଓଲଟା ପୀଡ଼ିତା ଏବଂ ତାଙ୍କ ପରିବାର ଲୋକଙ୍କ ଉପରେ ଆକ୍ରମଣ କରିଥିଲେ । ଏହା ପରେ ପୀଡ଼ିତାଙ୍କ ପରିବାର ଲୋକ ଏ ନେଇ ପୁଲିସ ନିକଟରେ ଅଭିଯୋଗ କରିଥିଲେ । ତା’ପରେ ଅଭିଯୁକ୍ତ ଗିରଫ କରାଯାଇଛି ।