ହସ୍ପିଟାଲରେ ଅକ୍ସିଜେନ ସରିଯିବାରୁ ଗତ ୨୪ ଘଣ୍ଟାରେ ୧୨ କରୋନା ରୋଗୀ ପ୍ରାଣ ହରାଇଛନ୍ତି

Apr 19, 2021 - 10:21 Updated: Apr 19, 2021 - 10:21

5054

ଭୋପାଳ: ମଧ୍ୟପ୍ରଦେଶ ସାହାଦୋଲ ଜିଲ୍ଲା ହସ୍ପିଟାଲରେ ଅକ୍ସିଜେନ ସରିଯିବାରୁ ଗତ ୨୪ ଘଣ୍ଟାରେ ୧୨ କରୋନା ରୋଗୀ ପ୍ରାଣ ହରାଇଛନ୍ତି । ସେମାନଙ୍କ ମଧ୍ୟରୁ ଗତ ରାତିରେ ୬ ଜଣଙ୍କ ମୃତୁ୍ୟ ହୋଇଛି । ମୃତ ରୋଗୀଙ୍କ ସମ୍ପର୍କୀୟ ଅଭିଯୋଗ କରିଛନ୍ତି ଯେ ଅକ୍ସିଜେନ ସିଲିଣ୍ଡର ଶେଷ ହେବା ପରେ ଆଉ ଅକ୍ସିଜେନ ଦିଆଯାଇନଥିଲା । ଯାହା ଫଳରେ ରୋଗୀଙ୍କ ମୃତୁ୍ୟ ଘଟିଥିଲା । ଅନ୍ୟ ପକ୍ଷରେ ହସ୍ପିଟାଲ ପକ୍ଷରୁ ଏହି ଅଭିଯୋଗକୁ ଖଣ୍ଡନ କରାଯାଇଛି । ହସ୍ପିଟାଲର ଡିନ ଡକ୍ଟର ମିଲିନ୍ଦ ସିରଲକର କହିଛନ୍ତି ଯେ ଅକ୍ସିଜେନ ସରିଯିବା ନୁହେଁ, ଅକ୍ସିଜେନ ସିଲିଣ୍ଡରରେ ପ୍ରେସର କମ୍ ହେବାରୁ ଗତ ରାତିରେ ୬ ଜଣଙ୍କର ମୃତୁ୍ୟ ଘଟିଛି । ହସ୍ପିଟାଲ ବର୍ତ୍ତମାନ ୨୫୫ ଜଣ କରୋନା ରୋଗୀ ଅଛନ୍ତି । ସେମାନଙ୍କ ମଧ୍ୟରୁ ୧୫୫ଜଣ ରୋଗୀଙ୍କ ଠାରେ ଅକ୍ସିଜେନ ଲଗାଯାଇଛି ଏବଂ ୬୨ ଜଣ ଗୁରୁତର ରୋଗୀ ଆଇସିୟୁରେ ଚିକିତ୍ସିତ ହେଉଛନ୍ତି । ହସ୍ପିଟାଲରେ ଅକ୍ସିଜେନ ଗଚ୍ଛିତ ରହିଛି । ଏହାର ଅଭାବ ନାହିଁ ବୋଲି ସେ କହିଛନ୍ତି ।