ଗୋଳାବନ୍ଧ ଆର୍ମି ଏଡି କଲେଜକୁ କଲର୍ସ ଆୱାର୍ଡ଼ ପ୍ରଦାନ କଲେ ରାଷ୍ଟ୍ରପତି
ଗୋଳାବନ୍ଧ ଆର୍ମି ଏଡି କଲେଜକୁ କଲର୍ସ ଆୱାର୍ଡ଼ ପ୍ରଦାନ କଲେ ରାଷ୍ଟ୍ରପତି
admin
2679
ଭୁବନେଶ୍ୱର: ବ୍ରହ୍ମପୁରସ୍ଥିତ ଗୋଳାବନ୍ଧ ଆର୍ମି ଏଡି କଲେଜର ୨୫ବର୍ଷ ପୂର୍ତ୍ତି ଅବସରରେ ଆୟୋଜିତ ଏକ ସ୍ୱତନ୍ତ୍ର କାର୍ୟ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦ ଯୋଗ ଦେଇଛନ୍ତି । ଏହି କାର୍ୟ୍ୟକ୍ରମରେ ଉଲ୍ଲେଖନୀୟ ସେବା ପାଇଁ ରାଷ୍ଟ୍ରପତି ଗୋଳାବନ୍ଧ ଆର୍ମି ଏଡି କଲେଜକୁ କଲର୍ସ ଆୱାର୍ଡ଼ ପ୍ରଦାନ କରିଛନ୍ତି । ଆଜି ସକାଳେ ୮ଟା ୩୫ରୁ ବ୍ରହ୍ମପୁର ଗୋଳାବନ୍ଧ ଆର୍ମି କଲେଜରେ ପଚିଶ ବର୍ଷ ପୂର୍ତ୍ତି ଅବସରରେ ଆୟୋଜିତ ସ୍ୱତନ୍ତ୍ର କାର୍ୟ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦ ଯୋଗ ଦେଇଛନ୍ତି । ରାଷ୍ଟ୍ରପତିଙ୍କ ସହ ତାଙ୍କ ପତ୍ନୀ ମଧ୍ୟ ଏହି କାର୍ୟ୍ୟକ୍ରମରେ ଯୋଗ ଦେଇଛନ୍ତି । ଏହି କାର୍ୟ୍ୟକ୍ରମରେ ଯୋଗ ଦେଇ ରାଷ୍ଟ୍ରପତି ନିଜ ଦୀକ୍ଷାନ୍ତ ଅଭିଭାଷଣ ରଖିଛନ୍ତି । ଏହା ସହ ଉଲ୍ଲେଖନୀୟ ସେବା ପାଇଁ ରାଷ୍ଟ୍ରପତି ଗୋଳାବନ୍ଧ ଆର୍ମି ଏଡି କଲେଜକୁ କଲର୍ସ ଆୱାର୍ଡ଼ ପ୍ରଦାନ କରିଛନ୍ତି । ଏହା ପରେ ଆର୍ମି ଏଡି କଲେଜର ଅନ୍ୟ କାର୍ୟ୍ୟକ୍ରମ ସହ ପରେଡ୍ରେ ଅଭିବାଦନ ଗ୍ରହଣ କରିଛନ୍ତି ରାଷ୍ଟ୍ରପତି। ରାଷ୍ଟ୍ରପତି ଏହି କାର୍ୟ୍ୟକ୍ରମରେ କହିଲେ ଯେ, ଗୋଳାବନ୍ଧ ଆର୍ମି ଏଡି ସେଣ୍ଟରକୁ ତାଙ୍କର ପ୍ରଥମ ଗସ୍ତ ତେଣୁ ଖୁସି ଲାଗୁଛି । ଭାରତୀୟ ସେନାଙ୍କ କାର୍ୟ୍ୟ ପ୍ରଶଂସନୀୟ । ଏହି କାର୍ୟ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଜ୍ୟପାଳ ଗଣେଶୀ ଲାଲ, ଆର୍ମୀ ଚିଫ ବିପିନ ରାୱତ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ଥିଲେ ।
