କମଲନାଥଙ୍କ ସ୍ଥାନ ନେଇପାରନ୍ତି ଏହି ମହିଳା ନେତ୍ରୀ!
କମଲନାଥଙ୍କ ସ୍ଥାନ ନେଇପାରନ୍ତି ଏହି ମହିଳା ନେତ୍ରୀ!
admin
6224
ଭୋପାଳ : ମଧ୍ୟପ୍ରଦେଶ ବିଧାନସଭା ଉପ ନିର୍ବାଚନରେ ବିଜେପି ଅଦ୍ଭୂତ ପୂର୍ବ ବିଜୟ ହାସଲ କରିଛି । ତେବେ ୮ଟି ଆସନରେ ବିଜୟୀ ହୋଇଥିବା କଂଗ୍ରେସର ମନୋବଳ ମଧ୍ୟ ଉଚ୍ଚରେ ରହିଛି । ଡବ୍ରା ବିଧାନସଭା ଆସନରେ ବିଜୟୀ ହୋଇ କଂଗ୍ରେସ ନିଜର ଆତ୍ମବିଶ୍ୱାସ ସହିତ ଦଳୀୟ କର୍ମୀଙ୍କ ଆତ୍ମବିଶ୍ୱାସକୁ ଦୃଢ ରଖିବାରେ ସଫଳ ହୋଇଛି । ଜ୍ୟୋତିରାଦିତ୍ୟ ସିନ୍ଧିଆଙ୍କ ଦୃଢ ସମର୍ଥକ ତଥା ମନ୍ତ୍ରୀ ଇମର୍ତି ଦେବୀ ଏହି ଆସନରୁ ନିର୍ବାଚନ ଳଢୁଥିଲେ ।
ସୁରେଶ ରାଜେ ଇମର୍ତ୍ତି ଦେବୀଙ୍କୁ ୭ ହଜାରରୁ ଅଧିକ ଭୋଟରେ ପରାସ୍ତ କରିଥିଲେ । ଏହି ବିଜୟ ସିନ୍ଧିଆଙ୍କ ପାଇଁ ଅପ୍ରତ୍ୟାଶିତ ରହିଥିବା ବେଳେ ଏହି ଆସନରେ କଂଗ୍ରେସର ପର୍ଯ୍ୟବେକ୍ଷକ ରହିଥିଲେ ଡ. ବିଜୟ ଲକ୍ଷ୍ମୀ ସାଧୋ । ଉପ ନିର୍ବାଚନ ସମୟରେ ସାଧୋ ସବୁଠାରୁ ଅଧିକ ଚର୍ଚ୍ଚାରେ ରହିଥିବା ବେଳେ ବର୍ତ୍ତମାନ ତାଙ୍କୁ ପୁରସ୍କୃଜତ କରାଯିବା ନେଇ ଆଲୋଚନା ହେଉଛି ।
ମିଳିଥିବା ଖବର ଅନୁଯାୟୀ ବିଧାନସଭାରେ ବିରୋଧୀ ଦଳ ନେତା ଚୟନ କରାଯିବ । ଏହି ତାଲିକାରେ ସାଧୋ ସବୁଠୁ ଆଗରେ ରହିଛନ୍ତି । ପୂର୍ବରୁ କମଲନାଥ ଏହି ଦାୟିତ୍ୱରେ ରହିଥିଲେ । ତେବେ ଡବ୍ରା ଆସନରେ ବିଜୟ ପ୍ରଦାନ କରିଥିବା ସାଧୋଙ୍କୁ ବିରୋଧୀ ଦଳର ନେତା ଦାୟିତ୍ୱ ଦିଆଯାଇପାରେ । ତେବେ ଏ ସମ୍ପର୍କରେ ଦଳ ପକ୍ଷରୁ ସ୍ପଷ୍ଟ କରାଯାଇନାହିଁ । ଏହି ତାଲିକାରେ ଉଭୟ କମଲନାଥ ଏବଂ ଦିଗବିଜୟ ସିଂଙ୍କ କିଛି ସମର୍ଥକଙ୍କ ନାମ ରହିଥିବା ଜଣାପଡିଛି । କମଲନାଥଙ୍କ ସମର୍ଥକଙ୍କ ମଧ୍ୟରେ ସଜ୍ଜନ ସିଂ ବର୍ମା, ଏନ ପି ପ୍ରଜାପତି ଏବଂ ବାଲା ବଚ୍ଚନ ଏହି ତାଲିକାରେ ରହିଛନ୍ତି । ଦିଗବିଜୟଙ୍କ ସମର୍ଥକ ଡ. ଗୋବିନ୍ଦ ସିଂ ମଧ୍ୟ ଏହି ତାଲିକାରେ ଆଗୁଆ ରହିଛନ୍ତି । ତେବେ କମଲନାଥ ହରିୟାଣା କଂଗ୍ରେସର ସଭାପତି ଦାୟିତ୍ୱ ନିର୍ବାହ କରିବେ ।
