ଉମା କିଛି ଭୁଲ କରିନାହାନ୍ତି, ଅପରାଜିତା ନିୟମ ଭାଙ୍ଗିଛନ୍ତି: ରାଜଶ୍ରୀ
ଉମା କିଛି ଭୁଲ କରିନାହାନ୍ତି, ଅପରାଜିତା ନିୟମ ଭାଙ୍ଗିଛନ୍ତି: ରାଜଶ୍ରୀ
admin
4581
ଭୁବନେଶ୍ୱର: ବିଜେଡି ବିଧାୟକ ଉମା ସାମନ୍ତରାୟଙ୍କ କରୋନା ନିୟମ ଭଙ୍ଗ ଘଟଣାରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ବିଜେଡି ସାଂସଦ ଡାକ୍ତର ରାଜଶ୍ରୀ ମଲ୍ଲିକ ଉମାଙ୍କୁ କ୍ଲିନ ଚିଟ ଦେଇଛନ୍ତି । ଉମା କିଛି ଭୁଲ କରିନାହାନ୍ତି ବୋଲି ରାଜଶ୍ରୀ ମଲ୍ଲିକ କହିଛନ୍ତି । ଉମା କ’ଣ ଟିକେ ପଳାଇଆସିଥିଲେ ବୋଲି ସେ କହିଛନ୍ତି ।
କିନ୍ତୁ ସାଂସଦ ଅପରାଜିତା ଷଡ଼ଙ୍ଗୀ ଜନ୍ମଦିନ ଉତ୍ସବରେ ନିୟମ ଭାଙ୍ଗିଥିଲେ ବୋଲି ରାଜଶ୍ରୀ ମଲ୍ଲିକ କହିଛନ୍ତି । ଅପରାଜିତା ନିମୟ ଭାଙ୍ଗିଛନ୍ତି । ତେଣୁ ତାଙ୍କ ସହ ଜନ୍ମ ଦିନ ଉତ୍ସବରେ ଥିବା ସମସ୍ତଙ୍କ ଟେଷ୍ଟ ହେବା ଉଚିତ ବୋଲି ରାଜଶ୍ରୀ ମଲ୍ଲିକ କହିଛନ୍ତି । ପ୍ରକାଶ ଯେ, କୋଭିଡ ଆଇନ ଉଲ୍ଲଂଘନ ମାମଲା ପ୍ରସଙ୍ଗରେ ସତ୍ୟବାଦୀ ବିଜେଡି ବିଧାୟକ ଉମାକାନ୍ତ ସାମନ୍ତରାୟ ପୂର୍ବରୁ ନିଜେ କ୍ଷମା ମାଗିଥିଲେ । ସେ କହିଥିଲେ ଯେ, କରୋନା ସଂକ୍ରମିତ ଥାଇ ସ୍ୱର୍ଗଦ୍ୱାରରେ ପହଞ୍ଚିବା ଭୁଲ ଥିଲା । ପ୍ରଦୀପ ମହାରଥୀଙ୍କ ବିୟୋଗରେ ଭାବବିହ୍ୱଳ ହୋଇ ସ୍ୱର୍ଗଦ୍ୱାର ଯାଇଥିଲି । ସଂକ୍ରମିତ ଥାଇ ସ୍ୱର୍ଗଦ୍ୱାର ଯିବା ମୋ ପାଇଁ ସମ୍ପୂର୍ଣ୍ଣ ଥିଲା । ସରକାରଙ୍କ ଆଇନ ଊଦ୍ଧ୍ୱର୍ରେ କେହି ନୁହେଁ । ଆଇନତଃ ମୋ ପ୍ରତି ଯେଉଁ ପଦକ୍ଷେପ ନିଆଯିବ, ମୁଁ ମାନିବାକୁ ପ୍ରସ୍ତୁତ । ମୁଁ କରିଥିବା ଭୁଲ ପାଇଁ ସମସ୍ତଙ୍କ ପାଖରେ କ୍ଷମା ମାଗୁଛି ବୋଲି ବିଧାୟକ ଉମାକାନ୍ତ ସାମନ୍ତରାୟ କହିଥିଲେ । ତେବେ ନିଜ ଭୁଲ ପାଇଁ ଉମା କ୍ଷମା ପ୍ରାର୍ଥନା କରିଥିବାବେଳେ ସାଂସଦ ରାଜଶ୍ରୀ ମଲ୍ଲିକ ସେ କିଛି ଭୁଲ କରିନଥିବା କହିବା ଘଟଣାକୁ ନେଇ ରାଜନୈତିକ ମହଲରେ ଚର୍ଚ୍ଚା ପାଇଁ ଖୋରାକ ଯୋଗାଇଛି ।
ଅନ୍ୟପକ୍ଷରେ ଗତ ଶନିବାର ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ କାର୍ଯ୍ୟାଳୟକୁ ସିଲ କରାଯାଇଥିଲା । ପଳାସପଲ୍ଲୀ ସ୍ଥିତ ଅଫିସ ସିଲକୁ ଭୁବନେଶ୍ୱର ମହାନଗର ନିଗମ ପକ୍ଷରୁ ସିଲ କରାଯାଇଥିଲା । କୋଭିଡ ନିୟମ ଭଙ୍ଗ କରି ଜନ୍ମଦିନ ପାଳନ ଅଭିଯୋଗରେ ସାଂସଦ ଅପରାଜିତା ଷଡ଼ଙ୍ଗୀଙ୍କ କାର୍ଯ୍ୟାଳୟକୁ ସିଲ କରାଯାଇଥିଲା ।
