ଉଦ୍ଘାଟନୀ ସଂନ୍ଧ୍ୟାରେ ଅନୁପ ଜଲୋଟାଙ୍କ ଭଜନ ସମସ୍ତଙ୍କୁ ବିମୋହିତ କରିଲା
Arpit Pattnaik
ବାଲିଯାତ୍ରା ପଡିଆରେ ଭଜନର ଯାଦୁକାରୀ ଗାୟକ ଭଜନ ଜଗତର ଶ୍ରେଷ୍ଟ କଲାକର ଅନୁପ ଜଲୋଟା । ନିଜ ଭଜନରେ ଦର୍ଶକଙ୍କୁ କଲେ ବିମୋହିତ। ମୁଖ୍ୟମନ୍ତ୍ରୀଙ୍କ କାର୍ୟ୍ୟକ୍ରମ ସାମାନ୍ୟ ବିଳମ୍ବରେ ଶେଷ ହେବାରୁ ଜଲୋଟା ଙ୍କ ଭଜନ ବିଳମ୍ବରେ ଆରମ୍ଭ ହୋଇଥିଲା । ହେଲେ ଦର୍ଶକ ତାଙ୍କ ଭଜନକୁ ଶୁଣିବା ପାଇଁ ଚାହିଁ ରହିଥିଲେ । ଯେଉଁ ଭଜନ ପାଇଁ ସେ ସାରା ବିଶ୍ୱରେ ବିଖ୍ୟାତ ସେହି ଭଜନରୁ ଆରମ୍ଭ କରିଥିଲେ କାର୍ୟ୍ୟକ୍ରମ। ଏସି ଲାଗି ଲଗନ ମିରା ହୋଗେଇ ମଗନ ଭଜନରେ ଝୁମିଥିଲେ ଦର୍ଶକ। ଏହାପରେ ଗୋଟିଏ ପରେ ଗୋଟିଏ ହିଟ ଭଜନ ଗାଇ ବାଲିଯାତ୍ରାର ପ୍ରଥମ ରଜନିରୁ ବିଦାୟ ନେଇଥିଲ ଅନୁପ ଜଲୋଟା । ତାଙ୍କ ମତରେ ଏହି ମେଳାକୁ ନରେନ୍ଦ୍ର ମୋଦି ବାଲି ଦେଶରେ ଉଠାଇବା ପରେ ଏହାର ପ୍ରଚାର ପ୍ରସାର ଅଧିକ ରହିଛି। ଓଡ଼ିଶା ସହ ଜଲୋଟାଙ୍କ ସମ୍ପର୍କ ବହୁତ ପୁରୁଣା । ପୂର୍ବରୁ ମାଧବ ହେ ମାଧବ , ପାପର ମଇଳା ଚାଦର ଘୋଡାଇ , ରାଧା ପଚାରିଲେ କହରେ ମୁରଲୀ ଭଜନ ଗାଇ ଓଡ଼ିଆ ମାନଙ୍କର ହୃଦୟ ଜିତି ସାରିଛନ୍ତି ସେ । ତେବେ ଏହି ବାଲିଯାତ୍ରାକୁ ଆସି ଅନେକ ମାତ୍ରାରେ ଖୁସି ହେବା ସହ ଏହିଭଳି ମେଗା ଆୟୋଜନକୁ ସାଧୁବାଦ ଜଣାଇଛନ୍ତି ଅନୁପ ଜଲୋଟା ।
\
