ସ୍ବାସ୍ଥ୍ୟ ପାଇଁ ଅଧିକ ଉପାଦେୟ ବାସି ରୁଟି
admin
ରୁଟି ବାସି ହେବାକୁ ଲାଗିଲେ ତହିଁରେ ଚାଲିଥିବା କ୍ୱଣ୍ଟନ ପ୍ରକ୍ରିୟା ହେତୁ ବିବିଧ ଅତ୍ୟାବଶ୍ୟକ ସୂକ୍ଷ୍ମଜୀବମାନ ସୃଷ୍ଟି ହୁଅନ୍ତି। ଅନ୍ତନଳୀର ଜୈବ ପରିମାଣର ସନ୍ତୁଳନ ରକ୍ଷା, ହଜମ ପ୍ରକ୍ରିୟାକୁ ତ୍ୱରାନ୍ବିତ ପୁଷ୍ଟିର ଉତ୍ତମ ଶୋଷଣ ଏବଂ ଏପରିକି ରୋଗ ପ୍ରତିରୋଧକ ଶକ୍ତି ସୁଦୃଢ଼ କରିବାରେ ଏହା ସାହାଯ୍ୟ କରେ।
ରୁଟି ବାସି ହେଲେ ମଧ୍ୟ ତାହାର ପୌଷ୍ଟିକତା ଅତୁଟ ରହିଥାଏ। ଅବଶ୍ୟ ଏହାଫଳରେ ଏଥିରେ ଥିବା କେତେକ ଭିଟାମିନ୍ କିଛି ମାତ୍ରାରେ ହ୍ରାସ ପାଏ। ତେବେ ମୋଟାମୋଟି ଭାବେ ଏହା ସଜ ରୁଟି ପରି ସମାନ ଭାବରେ ପୁଷ୍ଟିକର। ବାସି ରୁଟି ଖାଇଲେ ଏହା ସହଜରେ ହଜମ ହୋଇଥାଏ। ଫଳରେ ତହିଁରୁ ଶରୀରକୁ ପୁଷ୍ଟିଗୁଡ଼ିକ ସହଜରେ ପ୍ରାପ୍ତ ହୋଇଥାଏ।
ଏସବୁ ଦୃଷ୍ଟିରୁ ବିଚାର କଲେ ବାସି ରୁଟି ଆମ ସ୍ବାସ୍ଥ୍ୟ ପାଇଁ ଅଧିକ ଉପାଦେୟ। ତେବେ ତାହାକୁ ବେଶି ସମୟ ନ ରଖି ରାତିରେ ତିଆରି କରି ସକାଳେ ଖାଇବା ଉଚିତ। ଆମ ଆୟୁର୍ବେଦ ଶାସ୍ତ୍ରରେ ଏଥିପାଇଁ ଉପଦେଶ ରହିଛି। ତଦନୁଯାୟୀ ଏହା ବାତ, ପିତ୍ତ ଏବଂ କଫକୁ ନିୟନ୍ତ୍ରଣ କରେ। ମେଦବହୁଳତା ସମସ୍ୟା ସହ ଜଡିତ କି? ଯଦି ହଁ, ତେବେ ସକାଳେ ବାସି ରୁଟି ଖାଇଲେ ତାହା ଏଭଳି ସମସ୍ୟାରୁ କେତେକାଂଶରେ ମୁକ୍ତି ଦେଇଥାଏ। ତେଣୁ ସକାଳ ଜଳଖିଆରେ ବାସି ରୁଟିକୁ ଅଗ୍ରାଧିକାର ଦେଲେ ତାହା ଶରୀର ପାଇଁ ଉପକାରୀ ସାବ୍ୟସ୍ତ ହୋଇଥାଏ।
