ମର୍ମନ୍ତୁଦ ସଡକ ଦୁର୍ଘଟଣା, ମହିଳା ପୁଲିସ ଗୁରୁତର
ANGIKAR NEWS
8249
ଗାଡି ଟେଷ୍ଟ ଡ୍ରାଇଭ୍ ସମୟରେ ମର୍ମନ୍ତୁଦ ସଡକ ଦୁର୍ଘଟଣା। ସଡକ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ପୁରୀ ଟ୍ରାଫିକ ଥାନା ଏଏସଆଇ ପ୍ରତିମା ଭୋଳ। ତାଳବଣିଆ ଥାନା ଅନ୍ତର୍ଗତ ଭୂଦାନ ରାସ୍ତାରେ ରୟାଲ୍ ଏନଫିଲଡ୍ ର ଦୁଇଟି ଗାଡି ଟେଷ୍ଟ ଡ୍ରାଇଭ୍ ସମୟରେ ଟ୍ରାଫିକ ଏଏସଆଇ ପ୍ରତିମା ଭୋଳଙ୍କ ସହ ଧକ୍କା ହୋଇଥିଲା। ନିଜ ଧଳା ରଙ୍ଗର ସ୍କୁଟିରେ ଟ୍ରାଫିକ ଏଏସଆଇ ଯାଉଥିବା ସମୟରେ ଦ୍ରୁତଗତିରେ ଟେଷ୍ଟ ଡ୍ରାଇଭ୍ କରୁଥିବା ଗୋଟିଏ ଗାଡି ପ୍ରତିମାଙ୍କ ଉପରେ ମାଡି ଯାଇଥିଲା ଫଳରେ ଟ୍ରାଫିକ ଏଏସଆଇ ପ୍ରତିମା ସେଠାରେ ପଡି ଅଚେତ ହୋଇଥିଲେ ଏବଂ ଦୁର୍ଘଟଣା ଯୋଗୁଁ ତାଙ୍କ ସ୍କୁଟି ମଧ୍ୟ ସମ୍ପୂର୍ଣ୍ଣ କ୍ଷତି ହୋଇଥିଲା। ସେପଟେ ସ୍ଥାନୀୟ ବାସିନ୍ଦା ମାନେ ଗୁରୁତର ଏଏସଆଇଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିବା ବେଳେ ତାଙ୍କ ମୁହଁ ଓ ହାତରେ ଗଭୀର ଆଘାତ ଲାଗିଛି। ଅନ୍ୟପଟେ ଟେଷ୍ଟ ଡ୍ରାଇଭ୍ କରୁଥିବା ଦୁଇଜଣ ଚାଳକଙ୍କୁ ଟ୍ରାଫିକ ଥାନାରେ ଅଟକ ରଖାଯାଇଥିବା ସୂଚନା ମିଳିଛି।
