ଧ୍ୟାନ ନିହାତି ଜରୁରୀ
user1
ଭୁବନେଶ୍ୱର : ପ୍ରତ୍ୟେକ ଦିନ ଧ୍ୟାନ କରିବା ଦ୍ୱାରା କେବଳ ମନ ଶାନ୍ତ ହୁଏନି ବରଂ ଏକାଗ୍ରତା ଆସିଥାଏ । ପୁରା ଦିନ ଭଲରେ କଟିଥାଏ । ମନ ପ୍ରଫୁଲ୍ଲ ରହିଥାଏ । ବିଭିନ୍ନ ରୋଗରୁ ମୁକ୍ତି ମିଳିଥାଏ । ଶରୀର ଫିଟ ରହିବା ସହ ଓଜନ ନିୟନ୍ତ୍ରଣ କରିଥାଏ ।
ଧ୍ୟାନ କରିବା ସମୟରେ ତରତର ହୁଅନ୍ତୁନି । ମନ ଶାନ୍ତ ଥିବାବେଳେ ଏହା କରିପାରିବେ । ପିଲାଠାରୁ ବୟସ୍କ ସମସ୍ତେ ଯୋଗ କରିବା ଆବଶ୍ୟକ । ନିୟମିତ ଯୋଗ କଲେ ବୟସର ଛାପ କମିବା ସହ ମାନସିକ ଅବସାଦ ମଧ୍ୟ କମ୍ ହୋଇଥାଏ ।
ଦୈନିକ ଭୋର ସମୟ ଓ ସନ୍ଧ୍ୟାବେଳେ ୫-୭ ମିନିଟ ଯୋଗାଭ୍ୟାସରୁ ଆରମ୍ଭ କରନ୍ତୁ । ଧିରେ ଧିରେ ସମୟ ବଢାଇ ୧୫ ମିନିଟ ପର୍ଯ୍ୟନ୍ତ ଧ୍ୟାନ କରନ୍ତୁ । ଛାତ ଉପରେ କିମ୍ବା ନିରୋଳା ସ୍ଥାନରେ ଧ୍ୟାନ କଲେ , ଏହାର ଭଲ ପ୍ରଭାବ ପଡ଼ିଥାଏ । ଖୋଲା ପବନରେ ଯୋଗ କଲେ ଭଲ ।
ଧ୍ୟାନ କରିବା ସମୟରେ ନିଜ ସ୍ମାର୍ଟଫୋନ ଓ ଟାବଲେଟଠାରୁ ଦୂରେଇ ରହିବା ନିହାତି ଆବଶ୍ୟକ । ଧ୍ୟାନ କରିବା ଦ୍ୱାରା ମନ ଖୁସି ରହିବା ସହ କ୍ରୋଧ ଉପରେ ନିୟନ୍ତ୍ରଣ ଆସେ ।
ସକାଳୁ ଶେଯରୁ ଉଠି ନିତ୍ୟକର୍ମ ସାରି ଯୋଗ କରିବା ନିହାତି ଆବଶ୍ୟକ । ନିଶାସେବନ କରୁଥିବା ବ୍ୟକ୍ତିକୁ ପ୍ରତ୍ୟେହ ଧ୍ୟାନ କରିବାରେ ଅଭ୍ୟସ୍ତ କରାଇଲେ ଏହି ବଦଭ୍ୟାସ ଶୀଘ୍ର ଦୂରେଇ ଯାଇଥାଏ ।
