ସାମ୍ବାଦିକାଙ୍କୁ ଚାପୁଡ଼ା ମାରିଲେ ପ୍ରଯୋଜକ
admin
6451
ଭୁବନେଶ୍ବର: ପୁଣି ବିବାଦରେ ଓଡ଼ିଆ ଚଳଚିତ୍ର ପ୍ରଯୋଜକ ଟୁଟୁ ନାୟକ । ଜଣେ କାର୍ୟ୍ୟରତ ମହିଳା ସାମ୍ବାଦିକଙ୍କୁ ସଂଜୟ ନାୟକ ମାଡ଼ ମାରିଥିବା ନେଇ ଅଭିଯୋଗ ହୋଇଛି।ଟୁଟୁ ନାୟକ ମାଡ଼ ମାରିଥିବା ନେଇ ଖାରବେଳ ନଗର ଥାନାରେ ଅଭିଯୋଗ କରିଛନ୍ତି ସାମ୍ବାଦିକା । ମହିଳା ସାମ୍ବାଦିକା ଦେବସ୍ମିତା ରାଉତ ଅଭିଯୋଗ କରିଛନ୍ତି ଯେ ସେ ଏକ ଚଳଚିତ୍ରର ପ୍ରିମିୟର୍ ଶୋ’ର ଖବର ସଂଗ୍ରହ ପାଇଁ ସେ ଯାଇଥିବା ବେଳେ ଟୁଟୁ ନାୟକ ହଠାତ୍ ତାଙ୍କ ଗାଲକୁ ଚାପୁଡ଼ା ମାରିଥିଲେ । କେବଳ ଏତିକି ନୁହେଁ ସାମ୍ବାଦିକାଙ୍କୁ ଗାଳିଗୁଲଜ କରିବା ନେଇ ଅଭିଯୋଗ ହୋଇଛି। ଦେବସ୍ମିତାଙ୍କ ଅଭିଯୋଗ ପରେ ଖାରବେଳ ନଗର ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି। ହଲ୍ରେ ପୁଲସ ପହଞ୍ଚି ସିସିଟିଭି ଆଧାରରେ ତଦନ୍ତ କରୁଥିବା ଜଣାପଡିଛି।
ପ୍ରଯୋଜକ କାହିଁକି ମାଡ଼ ମାରିଲେ, ତାହା ଜଣାପଡ଼ିନଥିବା ବେଳେତେବେ ଅଭିଯୋଗ କରିଥିବା ମହିଳା ସାମ୍ବାଦିକା ଦେବସ୍ମିତା ରାଉତ କହିଛନ୍ତି ଯେ କଣ ପାଇଁ ମୋତେ ବାଡ଼େଇଲେ ମୋତେ ଜଣା ନାହିଁ। ପଛପଟୁ ଆସି ବାଡେଇଲେ, ତାଙ୍କୁ ଏ ଅଧିକାର କିଏ ଦେଲା। ତାଙ୍କ ବିରୋଧରେ କାର୍ୟ୍ୟାନୁଷ୍ଠାନ ହେବା ଦରକାର । ମୋ ସମ୍ମାନରେ ଆଞ୍ଚ ଲାଗିଛି, ପୁଲିସ କାର୍ୟ୍ୟାନୁଷ୍ଠାନ ନେଉ ବୋଲି ଦେବସ୍ମିତା କହିଛନ୍ତି।
