ଦୁଇଦିନିଆ ଝାଡ଼ଖଣ୍ଡ ଗସ୍ତରେ ମୁଖ୍ୟମନ୍ତ୍ରୀ ମୋହନ ମାଝୀ।
Arpit Pattnaik
7070
ଦୁଇଦିନିଆ ଝାଡ଼ଖଣ୍ଡ ଗସ୍ତରେ ମୁଖ୍ୟମନ୍ତ୍ରୀ ମୋହନ ମାଝୀ। ସକାଳ ୧୦ଟାରେ ଭୁବନେଶ୍ବର ବିମାନ ବନ୍ଦରରୁ ସ୍ବତନ୍ତ୍ର ବିମାନରେ ଯିବାନେଇ ସୂଚନା ରହିଛି । ପ୍ରଥମେ ବିର୍ସାମୁଣ୍ଡା ବିମାନ ବନ୍ଦରରେ ପହଞ୍ଚିବା, ପରେ ସେଠାରୁ ସ୍ବତନ୍ତ୍ର ହେଲିକେପଟର ଯୋଗେ ପଶ୍ଚିମ ସିଂହଭୂମ ଜିଲ୍ଲାର ଜଗନ୍ନାଥପୁରରେ ବିଜେପି ପକ୍ଷରୁ ଆୟୋଜିତ ହେବାକୁ ଥିବା ପରିବର୍ତ୍ତନ ସଭାରେ ଯୋଗ ଦେବେ ମୁଖ୍ୟମନ୍ତ୍ରୀ ।
ଏହି ଅବସରରେ ଆଗାମୀ ଝାଡ଼ଖଣ୍ଡ ବିଧାନସଭା ନିର୍ବାଚନ ନେଇ ବିଜେପିର ବରିଷ୍ଠ ନେତାଙ୍କ ସହ ମଧ୍ୟ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଚାଇଁବସା ସର୍କିଟ ହାଉସରେ ରାତ୍ରି ଯାପନ କରିବେ ମୁଖ୍ୟମନ୍ତ୍ରୀ।
ମଙ୍ଗଳବାର ଚାଇଁବସା ସର୍କିଟ ହାଉସରୁ ଟାଟା କଲେଜ ମଇଦାନକୁ ଯିବେ। ବିଜେପି ପକ୍ଷରୁ ଚାଇଁବାସା ସ୍ଥିତ ଟାଟା କଲେଜ ମଇଦାନରେ ଆୟୋଜିତ ପରିବର୍ତ୍ତନ ଯାତ୍ରା ସମାପନ ଜନସଭାରେ ଯୋଗ ଦେବେ। ଆଉ କାର୍ଯ୍ୟକ୍ରମ ଶେଷ ହେବା ପରେ ଭୁବନେଶ୍ବର ଫେରିବେ ମୁଖ୍ୟମନ୍ତ୍ରୀ ମୋହନ ମାଝୀ। ବ୍ୟୁରୋ ରିପୋର୍ଟ ୟୁବିସି ଓଡିଆ ।
