କରୋନାକୁ ନେଇ ଏମିତି ଭବିଷ୍ୟବାଣୀ କଲେ ଚୀନ୍ ବୈଜ୍ଞାନିକ
user2
ନୂଆଦିଲ୍ଲୀ: କରୋନାକୁ ନେଇ ଭବିଷ୍ୟବାଣୀ କରିଛନ୍ତି ଜଣେ ଚୀନ୍ ବୈଜ୍ଞାନିକ। ଭବିଷ୍ୟତରେ କୋରୋନା ପରି ଆଉ ଭାଇରସ ଆସିପାରେ ବୋଲି ବୈଜ୍ଞାନିକ ସି ଜିଙ୍ଗଲି ଚେତାବନୀ ଦେଇଛନ୍ତି । ସେ ପଶୁଠାରୁ ମଣିଷକୁ ବ୍ୟାପୁଥିବା ଭାଇରସ ଉପରେ ରିସର୍ଚ୍ଚ କରୁଥିବାକୁ ତାଙ୍କୁ ବ୍ୟାଟଓ୍ବିମେନ କୁହାଯାଏ । ସେ ତାଙ୍କ ସହକର୍ମୀଙ୍କ ସହ ଅନୁସନ୍ଧାନ କରି ଏକ ରିପୋର୍ଟରେ କହିଛନ୍ତି ଯେ, ଯଦି କୋରୋନା ଭାଇରସ୍ ପୂର୍ବରୁ ଏହି ରୋଗ ବ୍ୟାପିଛି, ତେବେ ଭବିଷ୍ୟତରେ ଏହା ପୁଣି ମହାମାରୀ ଆଣିପାରେ । ତେଣୁ ଆମକୁ ସତର୍କ ରହିବା ଆବଶ୍ୟକ ବୋଲି ଚୀନ ବୈଜ୍ଞାନିକ ସି ଜିଙ୍ଗଲି କହିଛନ୍ତି ।
କୋରୋନା ଭାଇରସ୍ ପୁଣିଥରେ ଏହାର ନୂତନ ରୂପରେ ଆସିପାରେ ବୋଲି କୁହାଯାଇଛି । ୨୦୦୩ ମସିହାରେ SARS ଏବଂ ୨୦୧୯ରେ COVID-19 ମହାମାରୀ ସୃଷ୍ଟି କରିଥିବା କରୋନାଭାଇରସ୍ ଏବେ ମଧ୍ୟ ବିପଜ୍ଜନକ ରହିଛି । ଚୀନର ଅନୁସନ୍ଧାନକାରୀମାନେ ୪୦ଟି କରୋନାଭାଇରସ୍ ପ୍ରଜାତି ଅଧ୍ୟୟନ କରିବା ପରେ ଚେତାବନୀ ଦେଇଛନ୍ତି ଯେ, ଭବିଷ୍ୟତରେ ଏକ ନୂତନ କରୋନାଭାଇରସ୍ ପୁନର୍ବାର ମାନବଜାତି ପାଇଁ କାଳ ସାଜିପାରେ । ଏଭଳି ପରିସ୍ଥିତିରେ ସତର୍କ ରହିବା ଅତ୍ୟନ୍ତ ଜରୁରୀ ଅଟେ । ଅନୁସନ୍ଧାନରୁ ଜଣାପଡିଛି ଯେ ଏହି ୪୦ଟି କୋରୋନା ଭାଇରସ୍ ମଧ୍ୟରୁ ୬ଟି ଏପରି ଅଛି ଯାହା ପୂର୍ବରୁ ଜଣା ପଡ଼ିଛି ଯେ ସେମାନେ ମଣିଷରେ ରୋଗ ବିସ୍ତାର କରିପାରନ୍ତି । ଅବଶିଷ୍ଟ ୩ଟି କୋରୋନାଭାଇରସ୍ ବିଷୟରେ କୁହାଯାଇଛି ଯେ, ସେମାନେ କୁକୁର, ବିଲେଇ ଇତ୍ୟାଦି ପ୍ରାଣୀମାନଙ୍କଠାରେ ରୋଗ ବିସ୍ତାର କରିପାରିବେ । ତେବେ କୋରୋନା ମହାମାରୀ ଉହାନ ଲ୍ୟାବରୁ ବ୍ୟାପିଥିବା ନେଇ ଏନେଇ ରିପୋର୍ଟରେ କୁହାଯାଇଥିବା ବେଳେ ଏନେଇ କୌଣସି ସ୍ପଷ୍ଟ ସୂଚନା ମିଳିପାରିନଥିଲା । ଏଭଳି ସ୍ଥିତିରେ ଆଉ ଏକ ଭାଇରସକୁ ନେଇ ଭବିଷ୍ୟତବାଣୀ ସମସ୍ତଙ୍କ ମନରେ ଛନକା ସୃଷ୍ଟି କରିଛି ।
