ସିଗନାଲ୍ ଭାଙ୍ଗି ଟ୍ରାଫିକ୍ ପୋଲିସଙ୍କୁ ଘୋଷାଡି ନେଲା କାର୍
admin
9352
ମୁମ୍ବାଇ : ମହାରାଷ୍ଟ୍ରର ନଭି ମୁମ୍ବାଇରେ ଜଣେ କାର୍ ଚାଳକ ଟ୍ରାଫିକ୍ ପୋଲିସ କର୍ମଚାରୀଙ୍କୁ ପ୍ରାୟ ୨୦ କିଲୋମିଟର ପର୍ୟ୍ୟନ୍ତ ଘୋଷାଡି ନେଇଛି । ଅଭିଯୁକ୍ତ କାର୍ ଚାଳକକୁ ଗିରଫ କରାଯାଇଛି । ଚାଳକ ଜଣକ ସିଗନାଲ୍ ଭାଙ୍ଗିବା ସମୟରେ ଟ୍ରାଫିକ୍ ପୋଲିସ କର୍ମଚାରୀଙ୍କୁ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ । ଏଥିରେ ସେ କନଷ୍ଟେବଳକୁ କାର୍ ବନେଟରେ ବସାଇ ୨୦ କିଲୋମିଟର ପର୍ୟ୍ୟନ୍ତ ଘୋଷାଡି ନେଇଥିଲେ ।
ପୋଲିସର କହିବାନୁସାରେ ଚାଳକ ଯୁବକ ଜଣକ ନିଶାରେ ଗାଡି ଚଳାଉଥିଲେ । ଟ୍ରାଫିକ୍ କନଷ୍ଟେବଳ ସିଦ୍ଧେଶ୍ୱର ମାଲି କାରର ବନେଟରେ ଫସି ରହିଥିଲେ । ତେବେ ସେ ଅଳ୍ପକେ ରକ୍ଷା ପାଇଯାଇଛନ୍ତି । ଏହି ଦୃଶ୍ୟ ସିସିଟିଭିରେ କଏଦ୍ ହୋଇଯାଇଛି । ପୋଲିସ କର୍ମଚାରୀ ସିଦ୍ଧେଶ୍ୱର ବ୍ଲୁ ଡାଇମଣ୍ଡ ଜଙ୍କସନରେ ରେଡ୍ ସିଗନାଲ୍ ଭାଙ୍ଗି ଏକ ସ୍କୁଟରକୁ ଧକ୍କା ଦେଇ ଖସିଯାଉଥିଲେ । ଏହି ସମୟରେ ସେ କାରକୁ ରୋକିବା ପାଇଁ ଚେଷ୍ଟା କରିବାକୁ ଚାଳକ ତାଙ୍କୁ ବନେଟରେ ବସାଇ ପ୍ରାୟ ୨୦ କିଲୋମିଟର ପର୍ୟ୍ୟନ୍ତ ଘୋଷାଡି ନେଇଯାଇଥିଲା ।
