ବିଜେପି ସହିତ କାମ କରିବ ଜେଡିଏସ୍
user1
ବେଙ୍ଗାଲୁରୁ : କର୍ଣ୍ଣାଟକ ବିଧାନସଭାର ଏକ ବିରୋଧୀ ଦଳ ହେଉଛି ଜେଡିଏସ୍। ଏହି ବିରୋଧୀ ଦଳ ହିସାବରେ ଜେଡିଏସ୍ ମୁଖ୍ୟ ବିରୋଧୀ ଦଳ ବିଜେପି ସହିତ ମିଶି ରାଜ୍ୟର ହିତ ପାଇଁ କାମ କରିବ ବୋଲି ଜେଡିଏସ୍ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀ କହିଛନ୍ତି। ଜେଡିଏସ୍ର ବିଧାୟକ ଦଳ ବୈଠକ ପରେ କୁମାରସ୍ବାମୀ ସାମ୍ବାଦିକଙ୍କୁ ଏପରି ଉତ୍ତର ଦେଇଛନ୍ତି। ବିଧାୟକ ଦଳ ବୈଠକରେ ଜେଡିଏସ୍ ମୁଖ୍ୟ ତଥା ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡା ଉପସ୍ଥିତ ଥିଲେ। ବୈଠକରେ ଗୌଡା ପୁଅ କୁମାରସ୍ବାମୀଙ୍କୁ ଦଳୀୟ ନିଷ୍ପତ୍ତି ନେବାର କ୍ଷମତା ପ୍ରଦାନ କରିଥିଲେ। ତେବେ ୨୦୨୪ ଲୋକସଭା ନିର୍ବାଚନରେ ବିଜେପି ନେତୃତ୍ବ ଏନଡିଏରେ ଜେଡିଏସ୍ ସାମିଲ ହେବ କି ନାହିଁ ସେ ସମ୍ପର୍କିତ ପ୍ରଶ୍ନର ଦେଇନାହାନ୍ତି କୁମାରସ୍ବାମୀ। କୁମାରସ୍ବାମୀ କହିଛନ୍ତି ଯେ ଲୋକସଭା ନିର୍ବାଚନକୁ ଆହୁରି ବହୁତ ସମୟ ବାକି ରହିଛି। ତେଣୁ ଏ ସମ୍ପର୍କରେ ଏବେ ଠାରୁ କୌଣସି ନିଷ୍ପତ୍ତି ନେବା ଠିକ୍ ନୁହେଁ। ସୂଚନାଯୋଗ୍ୟ ଗତ ସପ୍ତାହରେ ଅନୁଷ୍ଠିତ ବିରୋଧୀ ଦଳଗୁଡିକର ବୈଠକକୁ ଜେଡିଏସ୍କୁ ନିମନ୍ତ୍ରଣ କରାଯାଇ ନଥିଲା। ସେତେବେଳେ ମଧ୍ୟ କୁମାରସ୍ବାମୀଙ୍କୁ ଏନଡିଏ ଆଡକୁ ଢଳିବା ସମ୍ପର୍କରେ ପ୍ରଶ୍ନ କରାଯାଇଥିଲା ଓ ସେ ଅନୁରୂପ ଜବାବ ଦେଇଥିଲେ।
