ଆଜି ଗୃହ ସରଗରମ ହୋଇପାରେ

admin admin
Sep 28, 2023 - 11:26
7930
ଆଜି ଗୃହ ସରଗରମ ହୋଇପାରେ

ଭୁବନେଶ୍ବର: ଆଜି ବିଧାନସଭା ମୌସୁମୀ ଅଧିବେଶନର ପଞ୍ଚମ ଦିନ । ପ୍ରଥମ ମହିଳା ବାଚସ୍ପତି ପ୍ରମିଳା ମଲ୍ଲିକଙ୍କ ନେତୃତ୍ବରେ ସେପ୍ଟେମ୍ବର ୨୨ରୁ ଆରମ୍ଭ ହୋଇଥିବା ମୌସୁମୀ ଅଧିବେଶନରେ ଆଜି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା ହୋଇପାରେ । ଅକ୍ଟୋବର ୪ ତାରିଖ ଯାଏଁ ଅଧିବେଶନ ଚାଲିବ । ଉଭୟ ରାଜନୈତିକ ଓ ସାମାଜିକ ଦୃଷ୍ଟି କୋଣକୁ ଅଧିବେଶନ ବେଶ ଗୁରୁତ୍ବପୂର୍ଣ୍ଣ । ଅଧିବେଶନ ପ୍ରଥମ ଦିନରେ ଅତିରିକ୍ତ ବଜେଟ୍ ଉପସ୍ଥାପିତ ହୋଇଥିଲା । ଦ୍ବିତୀୟ ଦିନରେ ଗୃହ କାର୍ୟ୍ୟ ଚାଲି ପାରିନଥିଲା । ତୃତୀୟ ଦିନରେ ମଧ୍ୟ ଅଚଳାବସ୍ଥା ଦେଖାଦେଇଥିଲା । ମାତ୍ର ଚତୁର୍ଥ ଦିନରେ ଗୃହ କାର୍ୟ୍ୟ ଆରମ୍ଭରୁ ସୁରୁଖୁରୁରେ ଚାଲିଥିଲା । ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଥିଲା । କୃଷି, ଗଣଶିକ୍ଷା ବିଭାଗର ପ୍ରଶ୍ନୋତ୍ତର ଉପରେ ଆଲୋଚନା ହୋଇଥିଲା । ଆଜି ପଞ୍ଚମ ଦିନରେ ଏକାଧିକ ପ୍ରସଙ୍ଗରେ ଆଲୋଚନା ହେବ । ପ୍ରଶ୍ନକାଳରେ ରାଜସ୍ବ ଜଳ ସମ୍ପଦ ବିଭାଗ, କ୍ରୀଡ଼ା ଯୁବ ବ୍ୟାପାର, ବାଣିଜ୍ୟ ଓ ପରିବହନ ପ୍ରସଙ୍ଗ ରହିଛି । ଆଜି ଗୃହ ସରଗରମ ହୋଇପାରେ ।